الملک بن حیّان نے دوبارہ اس کا پیٹ چیک کیا تو حیرانی سے کہا: مَابِکَ عِلَّةٌ اب تمہیں کوئی مرض نہیں ہے۔ ^{( [1] )}  

سُبْحٰنَ اللہ! کیسا مُجَرَّب نسخہ ہے۔ ہم بھی یہ نسخہ اپنا سکتے ہیں، کوئی مشکل ہو، کوئی پریشانی ہو، کچھ بھی دُشواری ہو، اللہ پاک کے حُضُور حاضِر ہو کر محبوبِ کریم  صلّی اللہ عَلَیْہِ وَ آلِہٖ وَسَلَّم  کا وسیلہ پیش کیجئے! آپ کی سکھائی ہوئی دُعا مانگیئے! اِنْ شَآءَ اللہُ الْکَرِیْم! کامیابی نصیب ہو گی۔ یہ نمازِ حاجت پڑھنے اور دُعا مانگنے میں بس ایک بات کا خیال رکھئے! کہ رسولِ ذیشان، مکی مدنی سلطان  صلّی اللہ عَلَیْہِ وَ آلِہٖ وَسَلَّم  کو یَامُحَمَّد کہہ کر پُکارنا منع ہے۔ اس طرح کی دُعائیں جو حدیثوں میں آئی ہیں اور ان میں یَامُحَمَّد کا لفظ بھی آیا ہے، عُلَمائے کرام فرماتے ہیں: ایسے مقامات پر ادب یہ ہے کہ ہم یَا مُحَمَّد کی بجائے یَا رَسُوْلَ اللہ کہیں۔ ^{( [2] )}  ظاہِر ہے ہم چھوٹے ہیں، ہم توآپ  صلّی اللہ عَلَیْہِ وَ آلِہٖ وَسَلَّم  کو نام لے کر نہیں پکار سکتے! ہمیں تو ادب ہی کرنا چاہئے اور ادب اسی میں ہے کہ آپ  صلّی اللہ عَلَیْہِ وَ آلِہٖ وَسَلَّم  کو نام سے پُکارنے کی بجائے، مختلف پیارے پیارے القاب سے پُکارا جائے۔ اللہ پاک ہم سب کو عِلْم و عمل اور ادب کی توفیق نصیب فرمائے۔آمِیْن بِجَاہِ خَاتَمِ النَّبِیّٖنَ  صلّی اللہ عَلَیْہِ وَ آلِہٖ وَسَلَّم  ۔

تبرکاتِ اَوْلیاء کا فیضان

پیارے اسلامی بھائیو! قرآنی آیات اور احادیثِ کریمہ سے بالکل واضِح  ( Clear )  ہو گیا کہ اللہ پاک کے حُضور وسیلہ پیش کرنا بالکل جائِز ہے، اس کی برکت سے ہر میدان میں کامیابی ملتی ہے۔ جس طرح انبیائے کرام علیہم السَّلام کا وسیلہ پیش کرنا درست ہے، ایسے