ایسے ہی نیک لوگوں کا وسیلہ پیش کرنے سے بھی بہت برکتیں نصیب ہوتی ہیں۔ قرآنِ کریم میں ہے:

وَ كَانُوْا مِنْ قَبْلُ یَسْتَفْتِحُوْنَ عَلَى الَّذِیْنَ كَفَرُوْاۚ-  ( پارہ:1، البقرۃ:89 )

ترجمہ کنزُ العِرفان:اور اس سے پہلے یہ اسی نبی کے وسیلہ سے کافروں کے خلاف فتح مانگتے تھے۔

یہ یہود کا عمل بتایا جا رہا ہے، روایات میں ہے: جب ہمارے آقا و مولیٰ، مکی مدنی مصطفےٰ  صلّی اللہ عَلَیْہِ وَ آلِہٖ وَسَلَّم  دُنیا میں تشریف نہیں لائے تھے، یہودنے آسمانی کتابوں میں آپ  صلّی اللہ عَلَیْہِ وَ آلِہٖ وَسَلَّم  کاذِکْر پڑھ رکھا تھا، چنانچہ انہیں جب بھی کسی جنگ کا سامنا ہوتا تو یہ پیارے آقا، مکی مدنی مصطفےٰ  صلّی اللہ عَلَیْہِ وَ آلِہٖ وَسَلَّم  کا وسیلہ پیش کر کے دُعاکرتے تو انہیں ہر میدان میں فتح نصیب ہو جاتی تھی۔ ^{( [1] )}  

سبحٰنَ اللہ! کیاشان ہے میرے آقا ومولیٰ، مکی مدنی مصطفےٰ  صلّی اللہ عَلَیْہِ وَ آلِہٖ وَسَلَّم  کی...!!آپ ابھی دُنیا میں تشریف بھی نہیں لائے تھے، اس سے پہلے ہی آپ کے نامِ اَقْدس کی ایسی برکتیں تھیں کہ اس کے وسیلے سے دُعائیں قبول ہوا کرتی تھیں...!! واہ! کیا شان ہے...!! اسی لئے تو ہم کہتے ہیں:

آنکھوں کا تارا نامِ مُحَمَّد                                                                                         دِل کا اُجالا نامِ مُحَمَّد

دولت جو چاہو دونوں جہاں کی                                                                   کر لو وظیفہ نامِ مُحَمَّد

پائیں مرادیں دونوں جہاں میں                                                              جس     نے     پُکارا     نامِ   مُحَمَّد ^{( [2] )}

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد