آپ صَلَّی اللہ عَلَیْہِ وَ آلِہٖ وَ سَلَّم عالَمِ اَرْواح میں رسول تھے ، سارے نبیوں کو فیض دے رہے تھے ، گویا اس وقت آپ صَلَّی اللہ عَلَیْہِ وَ آلِہٖ وَ سَلَّم عالَمِ اَرْواح میں رہ کر انبیائے کرام  علیہم  السَّلَام  کے واسطے سے دُنیا کو اپنے اَنْوار و تجلیات سے نواز رہے تھے ، اب آپ صَلَّی اللہ عَلَیْہِ وَ آلِہٖ وَ سَلَّم خُود دُنیا میں تشریف لے آئے اور بلا واسطہ دُنیا کو نوازنا شروع فرما دیا۔ ^{( [1] )}

ہو مبارک اَہْلِ ایماں عیدِ میلاد النبی                                                          ہو گئی قسمت درخشاں عیدِ میلاد النبی

چار جانِب دُھوم ہے سرکار کے میلاد کی                        جھومتا ہے ہر مسلماں عیدِ میلاد النبی

کِھل اُٹھے مرجھائے دِل اور جان میں جان آگئی       آگئے ہیں جانِ جاناں عیدِ میلاد النبی

یانبی ! اپنی وِلادت کی خوشی میں اپنا غم                                      دیجئے طیبہ کے سُلطاں عیدِ میلاد النبی ^{( [2] )}

بعثت شریف کے چند مقاصد

اس کے بعد اللہ پاک نے فرمایا :

یَتْلُوْا  عَلَیْهِمْ  اٰیٰتِهٖ  وَ  یُزَكِّیْهِمْ    ( پارہ : 4 ، آلِ عمران : 164 )

ترجمہ کنزُ العِرْفان : وہ ان کے سامنے اللہ کی آیتیں تلاوت فرماتا ہے اور انہیں پاک کرتا ہے۔

یعنی محبوبِ رحمٰن ، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم دُنیا میں کیوں تشریف لائے ؟ اس کے چند مقاصِد ہیں :  ( 1 ) : آپ اس لئے تشریف لائے تاکہ اللہ پاک کی آیات مؤمنوں کو  پڑھ کر سُنائیں  ( 2 ) : آپ اس لئے تشریف لائے تاکہ لوگوں کو بُرے عقائد سے ، بُرے اعمال سے ، بُرے اخلاق سے ، بُرے کردار سے ، بُرے نظریات سے غرض کہ ہر طرح کی