مرید ( Devotee )  تھا ، اس کا نام تھا : جمعہ۔ ڈھاڈر شہر کا رہنے والا تھا ، اسے عُلَمائے کرام کےلکھے  ہوئے میلاد نامے پڑھنے کا بہت شوق تھا۔ ایک مرتبہ حضرت میاں غُلام حیدر رحمۃُ اللہ عَلَیْہ کسی کام سے ڈھاڈَر شہر تشریف لائے ، آپ کے مُرید آپ سے ملنے کے لئے حاضِر ہوئے مگر جمعہ نامی شخص نہ آیا ، میاں صاحِب رحمۃُ اللہ عَلَیْہ نے معلومات ( Information )  لِی تو پتا چلا وہ پچھلے ڈیڑھ سال سے بیمار ہے اور اس کے پاؤں سُوکھ چکے ہیں ، چَل پھر نہیں سکتا۔ میاں صاحِب رحمۃُ اللہ عَلَیْہ نے اُسے بُلوایا  اور فرمایا : آج رات میلاد نامہ پڑھو ! اللہ پاک خیر فرمائے گا۔ مرید نے پِیر کے فرمان پر لَبَّیْک کہا اور پُورے یقین کے ساتھ ساری رات میلاد شریف پڑھتا رہا ، اللہ پاک نے اس پر کرم فرمایا ، صبح کے وقت جب اس نے اُٹھنا چاہا تو عَصَا کے سہارے خُود ہی اُٹھ گیا ، میلاد شریف پڑھنے کی برکت سے اُسے شِفَا مِل گئی اور وہ خُود اپنے پیروں پر چل کر گھر پہنچا۔

جس وقت کوئی مَرحَلہ دُشوار آگیا                                                             اُس وقت کام سیِّدِ ابرار آگیا

برسِیں   گھٹائیں   رحمتوں   کی جھوم جھوم کر           رحمت سراپا جب مِرا سردار آگیا ^{( [1] )}

صَلُّوْا عَلَی الْحَبیب !                                                   صَلَّی اللّٰہُ عَلٰی مُحَمَّد

گھر گھر محفلِ میلاد سجائیے !

 اے عاشقانِ رسول ! ہمارے آقا و مولا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کا میلادِ پاک ہے ، ہر گھر سجائیے ! گلیاں بھی سجائیے ! خُوب دھومیں مچائیے ! الحمد للہ ! عموماً عاشقانِ رسول کی تقریباً ہر مسجد میں محفلِ میلاد سجتی ہے ، اس کے ساتھ ساتھ کوشش ( Effort )  کیجئے کہ کوئی امیر  ( Rich )  ہو یا غریب  ( Poor )  ہر عاشِقِ رسول اپنے گھر میں بھی محفلِ