بطور احسان جو انعام کیا جائے ، اسے عربی میں مَنّ کہا جاتا ہے۔ ^{( [1] )}  یعنی ہم اس لائق نہ تھے کہ ہم پر یہ احسان کیا جاتا مگر رَبِّ قدیر نے محض اپنے فضلِ عظیم سے ہم پراحسان فرمایا ، کیااحسان کیا ؟ فرمایا :

اِذْ  بَعَثَ  فِیْهِمْ  رَسُوْلًا  مِّنْ  اَنْفُسِهِمْ    ( پارہ : 4 ، آلِ عمران : 164 )

ترجمہ کنزُ العِرْفان : جب ان میں ایک رسول مبعوث فرمایاجو انہی میں سے ہے۔

سُبْحٰنَ اللہ ! یہ ہے رَبِّ کریم کا وہ عظیم الشان احسان جواللہ پاک نے ہمیں جتلایاہے۔

رَبِّ اعلیٰ کی نعمت پہ اعلیٰ درود                                                               حق تَعَالیٰ کی مِنَّت پہ لاکھوں سلام

ہم غریبوں کے آقا پر بےحد درود                                           ہم فقیروں کی ثَرْوَت پہ لاکھوں سلام ^{( [2] )}

وضاحت : رَبِّ کریم جو بہت بلند شان والا ہے ، اس کی اعلیٰ ترین نعمت محبوبِ ذیشان صلی اللہ عَلَیْہِ وَ آلِہٖ وَسَلَّم پر اعلیٰ درود ہوں ، اللہ پاک نے اپنا محبوب ہماری ہدایت کے لئے بھیج کر جو احسان فرمایا ، اُن محبوب صلی اللہ عَلَیْہِ وَ آلِہٖ وَسَلَّم پر لاکھوں سلام ہوں۔ وہ محبوب صلی اللہ عَلَیْہِ وَ آلِہٖ وَسَلَّم جو ہم غریبوں کے آقا ہیں ، ہم فقیروں کی دولت ہیں ، ان پر بےحد درود اور لاکھوں سلام ہوں۔

پیارے اسلامی بھائیو ! یہاں ایک ایمان افروز نکتہ بھی ہے ، دیکھئے ! رَبِّ کریم نے فرمایا :

اِذْ  بَعَثَ  فِیْهِمْ  رَسُوْلًا

بَعَثَ کا معنیٰ ہوتا ہے : بھیجنا۔ اور بھیجا اس کو جاتا ہے ، جو پہلے سے موجود ہو۔قرآنِ کریم میں میرے ، آپ کے اور تمام انسانوں کے دُنیا میں آنے کا بھی ذِکْر ہےمگر ان لفظوں