کے مبارک ناموں کا بھی ذِکْر ہے * آپ صَلَّی اللہ عَلَیْہِ وَ آلِہٖ وَ سَلَّم کی جائے وِلادت  ( Birthplace )  کا بھی ذِکْر ہے * آپ صَلَّی اللہ عَلَیْہِ وَ آلِہٖ وَ سَلَّم کے مبارک اَعْضا کا بھی ذِکْر ہے * آپ صَلَّی اللہ عَلَیْہِ وَ آلِہٖ وَ سَلَّم کی صِفَات کا بھی ذِکْر ہے * آپ صَلَّی اللہ عَلَیْہِ وَ آلِہٖ وَ سَلَّم کے فضائل  کا بھی ذِکْر ہے اور الحمد للہ ! قرآنِ کریم میں 2 ، 4 مرتبہ نہیں بلکہ ایک محتاط اندازے  ( Estimate )  کے مطابق کُل 27 مقامات پر مِیْلاد  ( یعنی آپ صَلَّی اللہ عَلَیْہِ وَ آلِہٖ وَ سَلَّم کی دُنیا میں تشریف آوری )  کا ذِکْر موجود ہے۔

حسنؔ وِلادتِ سرکار سے ہوا روشن                                                       مرے  خُدا  کو  بھی  پیاری  ہے  بارہویں  تاریخ ^{( [1] )}

بیان کی ابتدا میں ہم نے پارہ : 4 ، سورۂ آلِ عِمْران کی آیت : 164 سننے کی سعادت حاصِل کی * اس آیتِ کریمہ میں بھی آپ صَلَّی اللہ عَلَیْہِ وَ آلِہٖ وَ سَلَّم کی دُنیا میں تشریف آوری کا بیان ہے * آپ صَلَّی اللہ عَلَیْہِ وَ آلِہٖ وَ سَلَّم کے فضائِل و مناقب کا بیان ہے * آپ صَلَّی اللہ عَلَیْہِ وَ آلِہٖ وَ سَلَّم دُنیا میں تشریف لائے ، رسول بن کر آئے * اِیْمان دینے آئے * قرآن سکھانے آئے * عِلْم و حکمت بتانے آئےدِلوں کو چمکانے آئے اور بھٹکی ہوئی انسانیت کو حق کا رستہ بتانے کے لئے تشریف لائے * یہ سب باتیں اس آیتِ کریمہ میں بیان ہوئی ہیں۔

اب ذرا خُود غور فرمائیے ! ہم جب مِیلاد مناتے ہیں * میلادِ مصطفےٰ کی محفل سجاتے ہیں * اجتماعِ میلاد کرتے ہیں تو اس میں کیا ہوتا ہے ؟ * تِلاوت ہوتی ہے * نعتیں پڑھی جاتی ہیں * پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی وِلادتِ باسعادت کابیان ہوتا ہے * آپ کے معجزات  ( Miracles )  کا بیان ہوتا ہے * آپ کے فضائِل و مناقب کا بیان ہوتا ہے۔ یعنی وہی باتیں جو قرآن و حدیث میں ذِکْر ہوئی ہیں ، وہی بیان ہوتی ہیں۔