کیا ہے ؟ قربانی ہمیں درس کیا دیتی ہے ؟ یہ مقصد ہم کب پُورا کریں گے ؟

آہ طغیانیاں گُنَاہوں کی                    پار نیّا مری لگا یارَبّ !

نفس و شیطان ہو گئے غالِب               ان کے چُنگل سے تُو چھڑا یارَبّ !

نیم جاں کر دیا گُنَاہوں نے                 مرضِ عصیاں سے دے شفا یارَبّ !  ^{( [1] )}

سُنّتِ ابراہیمی کو ادا کیجئے !

پیارے اسلامی بھائیو !  قربانی سُنّتِ ابراہیمی ہے ، اسی پر ہم غور کر لیں ، حضرت ابراہیم عَلَیْہِ السَّلَام کا مبارک انداز کیا ہے ؟ آپ کی سیرتِ پاک ہمیں کیا سکھاتی ہے ؟

حضرت ابراہیم عَلَیْہِ السَّلَام کی عمر مبارک 7 سال تھی ، ^{( [2] )} اللہ پاک نے آپ کو فرمایا :

اَسْلِمْۙ       ( پارہ : 1 ، سورۂ بقرہ : 131 )

ترجَمہ کنزُ العرفان : فرمانبرداری کر ۔

حضرت ابراہیم عَلَیْہِ السَّلَام نے 7 سال کی عمر مبارک میں عرض کیا :

قَالَ اَسْلَمْتُ لِرَبِّ الْعٰلَمِیْنَ(۱۳۱)   ( پارہ : 1 ، سورۂ بقرہ : 131 )

ترجَمہ کنزُ العرفان : تو اس نے عرض کی : میں نے فرمانبرداری کی اس کی جو تمام جہانوں کا پالنے والا ہے۔

حضرت ابراہیم عَلَیْہِ السَّلَام نے 7سال کی عمر میں رَبِّ کریم کی بارگاہ میں یہ عرض کیا ، پھر ساری زِندگی اس پر قائِم رہے ، آپ پر مصائِب بھی آئے ، پریشانیاں بھی آئیں ، دُکھ بھی آئے ، آپ کو تکلیف بھی پہنچائی گئی مگر ایک لمحے کے لئے بھی آپ کے قدم ڈگمگائے