اس حدیثِ پاک کی شرح میں عُلَما فرماتے ہیں : اسلام کے شروع میں مسلمانوں پر غُربَت کا غلبہ تھا ، اس لئے حکم تھا کہ 3 دِن کے کھانے کے لئے اپنے پاس رکھ کر باقی سب گوشت غریبوں میں تقسیم کر دیا جائے ! پھر جب اللہ پاک نے مسلمانوں کو مال کی کثرت سے نوازا  تو یہ حکم ختم کر دیا گیا ، اب چاہے سال بھر تک قربانی کا گوشت کھاؤ ! اس میں کوئی حرج نہیں ہے۔ ^{( [1] )} اللہ پاک ہمیں دُرست اسلامی اَحْکام سیکھنے اور ان پر عمل کرنے کی توفیق نصیب فرمائے۔ اٰمِیْن بِجَاہِ  خَاتَمِ النَّبِیّٖن صَلَّی اللہ عَلَیْہِ وَ آلِہٖ وَ سَلَّم ۔

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

اَسْمَاءُ الحسنیٰ کی برکات  ( وظیفہ )

یَا خَافِضُ

جوکوئی 500 بار  یَا خَافِضُ پڑھ لے ، دشمن سے اَمان میں رہے گا۔ اِنْ شَآءَ اللہ الْکَرِیْم ! ۔  ^{( [2] )}  

اللہ پاک ہمیں عمل کی توفیق عطا فرمائے۔ اٰمِیْن بِجَاہِ  خَاتَمِ النَّبِیّٖن  صَلَّی اللہ عَلَیْہِ وَ آلِہٖ وَ سَلَّم ۔