کِیا بیٹے کو قرباں راہِ حق میں اپنے ہاتھوں سے

نہیں دُنیا میں کوئی بھی خلیل اللہ کا ثانی

اے عاشقانِ رسول ! یہ ہے جذبۂ اطاعت ، جذبۂ جانثاری ، جذبۂ وفاداری ،   جس طرح جانور ذَبَح کرنا سُنّتِ ابراہیمی ہے ، اسی طرح یہ جذبۂ اطاعت و فرمانبرداری ، اپنے آپ کو مکمل طور  پر اللہ پاک کے سِپُرد کر دینا ، یہ بھی حضرت ابراہیم عَلَیْہِ السَّلَام کا ہی مبارک طریقہ ہے۔ یقیناً حضرت ابراہیم عَلَیْہِ السَّلَام اللہ پاک کے نبی ہیں ، ہم اُن کے برابر نہیں ہو سکتے مگر جس طرح ہم جانور قربان کر کے حضرت ابراہیم عَلَیْہِ السَّلَام کی سُنّت ادا کرتے ہیں ، یونہی خود کو اللہ پاک کے سِپُرد کر کے ، خود کو مکمل طور پر اللہ پاک کی اطاعت میں لگا دینے کی بھی کوشش کرنی چاہئے۔

پیارے اسلامی بھائیو ! جو قربانی کرتے ہیں ان پر قربانی کے احکام سیکھنا بھی ضروری ہے۔ اس تعلق سے شیخِ طریقت ، امیرِ اہلسنت ، حضرت علامہ مولانامحمدالیاس عطار قادِری رضوی  دَامَتْ بَرَکَاتُہُمُ الْعَالِیَہ کا رسالہ بیٹا ہو تو ایسا ! اور ابلق گھوڑے سوار  پڑھ لیجئے ، اوربالخصوص اپنے بچوں کو بھی پڑھائیں ،  اِنْ شَآءَ اللہ الْکَرِیْم !   اس میں   سے بہت کچھ سیکھنے کو ملے گا۔ اللہ پاک عمل کی توفیق عطا فرمائے ۔ اٰمِیْن بِجَاہِ  خَاتَمِ النَّبِیّٖن  صَلَّی اللہ عَلَیْہِ وَ آلِہٖ وَ سَلَّم ۔

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

کلمہ اینڈ دُعا ( Kalma &Dua )  ایپ کا تعارف

پیارے اسلامی بھائیو ! عاشقانِ رسول کی دینی تحریک  دعوت اسلامی کے  آئی ، ٹی ڈیپارٹمنٹ نے ایک بہت ہی پیاری  موبائل ایپلی کیشن بنام ”کلمہ اور دُعا“  ( Kalma&Dua )