وَ قَالَ رَبُّكُمُ ادْعُوْنِیْۤ اَسْتَجِبْ لَكُمْؕ                                   (پ۲۴،المومن : ۶۰)

تَرْجَمَۂ کنز العرفان   :  اورتمہارے ربّ نے فرمایا مجھ سے دُعا کرو میں تمہاری دُعا قبول کروں گا۔

اسی طرح پارہ 2 سورۃُ البقرہ کی آیت  نمبر 186 میں ارشادِ خُداوندی ہے  :   

وَ اِذَا سَاَلَكَ عِبَادِیْ عَنِّیْ فَاِنِّیْ قَرِیْبٌؕ-اُجِیْبُ دَعْوَةَ الدَّاعِ اِذَا دَعَانِۙ                                                (پ۲،البقرۃ : ۱۸۶) تَرْجَمَۂ کنز العرفان  : اور اے حبیب !  جب تم سے میرے بندے میرے بارے میں سوال کریں تو بیشک میں نزدیک ہوں میں دُعا کرنے والے کی دُعا قبول کرتا ہوں  جب وہ مجھ سے دعا کرے ۔

                                                پیارے اسلامی بھائیو ! ہمارے  پیار ے آقا ، مکی مدنی مُصْطَفٰے   صَلَّی اللہ   عَلَیْہِ واٰلِہٖ وَسَلَّمَ  کی مُبارک زندگی کے مبارک ایّام کا مطالعہ کیا جائے تو آپ  صَلَّی اللہ   عَلَیْہِ واٰلِہٖ وَسَلَّمَ  کے معمولاتِ زندگی میں مختلف دُعائیں ، آپ  صَلَّی اللہ   عَلَیْہِ واٰلِہٖ وَسَلَّمَ  کا معمول رہیں ، آپ  صَلَّی اللہ   عَلَیْہِ واٰلِہٖ وَسَلَّمَ  کایہ مبارک عمل تعلیمِ اُمّت کے لیے بھی تھا ، مثلاًگھرمیں داخل ہونے کی دُعا ، گھرسے نکلتے وقت کی دُعا ،  سونے سے پہلے کی دُعا ، بیدارہونے کے بعد کی دُعا ، کھانا کھانے سے پہلے کی دُعا ، کھانا کھانے کے بعد کی دُعا ، لباس پہننے کی دُعا ، تیل لگانے کی دُعا وغیرہ۔آپ   صَلَّی اللہ   عَلَیْہِ واٰلِہٖ وَسَلَّمَ نے نہ صرف وقتاً فوقتاً دُعا کی اہمیت کو بیان فرمایا بلکہ دن رات مصروفِ دُعا رہنے کی ترغیب بھی دلائی ،  آئیے دُ عا کی اہمیت و فضیلت کے بارے میں چند احادیثِ مُبارکہ سُنتے ہیں  :  

1۔   پیارے آقا  ، مکی مدنی مُصْطَفٰے   صَلَّی اللہ   عَلَیْہِ واٰلِہٖ وَسَلَّمَ  نے ارشاد فرمایا  :  الدُّعَاءُ مُخُّ العِبَادَةِ  یعنی دُعا عبادت کا مَغَز ہے۔^([1])

2۔   حضرت ابو ہریرہ رَضِیَ اللہ   عَنْہُ فرماتے ہیں کہ نبی صَلَّی اللہ   عَلَیْہِ واٰلِہٖ وَسَلَّمَ نے ارشاد فرمایا  :  اللہ   پاک کے