(2)گویا شبِ قدر حاصل کرلی

فرمانِ مُصْطَفٰے  صَلَّی اللہ   عَلَیْہِ واٰلِہٖ وَسَلَّمَ    :  جس نے اس دُعا کو 3 مرتبہ پڑھا تو گویا اُس نے شَبِ قَدْر حاصل کرلی۔^([1])

لَآ اِلٰہَ اِلَّااللہُ الْحَلِیْمُ الْـکَرِیْمُ ،سُبحٰنَ اللہ  ِ رَبِّ السَّمٰوٰتِ السَّبْعِ وَرَبِّ الْعَرْشِ الْعَظِیْم

(خُدائے حَلیم وکریم کے سِوا کوئی عِبادت کے لائِق نہیں ،  اللہ   پاک ہے جو ساتوں آسمانوں اور عرشِ عظیم کاپَروردگارہے۔)

ہفتہ واراجتماع کے حلقوں کا شیڈول(بیرون ملک) ، 16جون 2022ء

(1)  :   سنتیں اورآداب سیکھنا  :  5منٹ ،  (2)  :  دعایاد کرنا   :  5 منٹ ،  (3)  :  جائزہ  :  5منٹ ،  کُل دورانیہ15منٹ

سیدھے ہاتھ سے لین دین کے بقیہ مدنی پھول

اسلام میں داہنا حصہ مبارک مانا گیا کہ قیامت میں نیکوں کے نامۂ اعمال بھی اسی ہاتھ میں ہوں گے۔(مرآ ۃ المناجیح ، ۱/۲۸۷۔)*حضرت سَیِّدَتُنا عائشہ صدیقہ رَضِیَ اللہ  عَنْہَا فرماتی ہیں  :  رسولُ اللہ  صَلَّی اللہ  عَلَیْہِ وَاٰلِہٖ وَسَلَّم اپنے تمام کاموں میں دائیں جانب سے ابتدا کرنے کو پسند فرماتے تھے۔(بخاری،کتاب الوضوء،باب التیمن فی الوضوء والغسل،۱/۸۱،حدیث : ۱۶۸ ۔)* سیدھے ہاتھ سے کھایئے ، اُلٹے ہاتھ سے کھانا ، پینا ،  لینا ،  دینا ،  شيطان کا طریقہ ہے۔(کھانے کا اسلامی طریقہ ، ص۸)*کسی کو پانی پلاتے وقت جگ سیدھے ہاتھ میں ہو تا ہے جبکہ گلاس اُلٹے میں اور اُلٹے ہاتھ سے گِلاس دوسروں کودیتے ہیں ،  کسی سے جگ اور گلاس دونوں لینے ہوں تو ہم دونوں ہاتھوں سے ایک ساتھ لے لیتے ہیں جبکہ یہ طریقہ غلط ہے پہلے سیدھے ہاتھ سے جگ لیں اور پھر جگ کو اُلٹے ہاتھ میں پکڑلیں تاکہ سیدھا ہاتھ خالی ہو جائے اور اب سیدھے ہاتھ سے گلاس لے لیں۔

صَلُّوْا عَلَی الْحَبِیْب!                                                     صَلَّی اللہ  عَلٰی مُحَمَّد