Book Name:Sahabiyat Aur Deen Ki Khatir Qurbaniyan
ہوگئیں۔ ([1])
صَلُّوْا عَلَی الْحَبِیْب! صَلَّی اللّٰہُ عَلٰی مُحَمَّد
پیارے پیارے اسلامی بھائیو!بلا شُبہ حضرت سُمَیّہ رَضِیَ اللّٰہُ عَنْہَا دِین پر مَر مٹنے والی خواتین کی سردار ہیں ، آپ نے جس دَور میں اِسْلام قبول کیا وہ وَقْت بڑا کڑا تھا ، ہر طرف ظُلْم و سِتَم کی منہ زور آندھیاں چل رہی تھیں ، مگر جب دین کو ایک مَضْبُوط عِمارَت کا سائبان ملا تودین کے رکھوالے ظُلْم و سِتَم کی ان آندھیوں کے سامنے اس طرح سیسہ پلائی دیوار بن کر کھڑے ہو گئے کہ کُفْر کے ایوانوں میں زلزلہ آگیا۔ چنانچِہ جب دین پر مَر مٹنے کے لیے جان کی قربانی پیش کرنے کا مَرْحَلہ آیا تو مَردانِ حَق کی ہمّتوں اور اِرادوں کو مَضْبُوط سے مَضْبُوط تر بنانے میں جو کردار صَحَابِیّات طَیِّبَات رَضِیَ اللّٰہُ عَنْہُنّ نے ادا کیا وہ کسی سے ڈھکا چھپا نہیں۔ اس لیے کہ جب بھی دشمنانِ اسلام کی یلغار کے وَقْت بَرسرِ پیکار عاشقانِ مصطفےٰ کے قَدَم لڑکھڑائے یا کبھی کسی مَوْقَع پر انہوں نے کمزوری دِکھائی تو اِسلام کی یہ اَوَّلِین وبہادر خواتین میدانِ کارزار میں اس طرح کُودیں کہ باطِل کو ہمیشہ اپنے منہ کی کھانا پڑی۔ لہٰذا ہمیں چاہیے کہ ہم بھی اپنے اندر دین کی خاطر اپنا تن من دھن کی قربانی کا جذبہ پیدا کریں اور دین کی خاطر روزانہ کم از کم دو گھنٹے دعوتِ اسلامی کے دینی کام کرنے میں گزاریں۔