والے تھے کہ خود شرم و حیا کے پیکر صَلَّی اللہُ عَلَیْہِ وَاٰلِہٖ وَسَلَّم بھی آپ کی حَیا  کا احترام فرماتے اور اللہ پاک کے مَعصُوم فرشتےبھی آپ رَضِیَ اللہُ عَنْہ سے حیا کرتےتھے۔ حضرت سیِّدُنا عبدُاللہ بن عامر بن ربیعہ رَحْمَۃُ اللّٰہ ِعَلَیْہ  فرماتے ہیں : (محاصرے کے دن ) ہم امیر المؤمنین حضرت سیِّدُنا عثمانِ غنی  رَضِیَ اللہُ عَنْہُکے پاس حاضر تھے۔ آپ  رَضِیَ اللہُ عَنْہُنے فرمایا : اللہ پاک کی قسم! میں نے نہ تو زمانۂ جاہلیت میں کبھی بدكاری کی تھی اورنہ ہی اسلام قبول کرنے کے بعد۔ (بلکہ) اسلام قبول کرنے کے بعد میری حیاء میں مزید اضافہ ہوا۔ (نسائی ، کتاب المحاربۃ ، باب ذکر ما یحل بہ دم المسلم ، حدیث ۴۰۲۴ ، ص ۲۳۵۱ملخصاً)

پیارے پیارے اسلامی  بھائیو! آئیے! اَمِیْرُ الْمُؤمِنِیْنحضرت سَیِّدُنا عُثمانِ غنی ذُو النُّورَینرَضِیَ اللہُ عَنْہ کی سیرتِ مبارکہ کی چند جھلکیاں سُنتے ہیں :

آپ رَضِیَ اللہُ عَنْہُ  کا نام “ عثمان “ کُنیت “ ابوعَمْرو “ اور القابات “ جامِعُ القرآن “ اور “ ذُوالنّورین “ ہیں*  رَضِیَ اللہُ عَنْہُ  خُلَفائے راشِدین میں تیسرے خلیفہ ہیں * سرکارِدوعالم ، نورِ مجسّم صَلَّی اللّٰہُ عَلَیْہِ واٰلِہٖ وَسَلَّمَ کی 2شہزادیاں آپ رَضِیَ اللہُ عَنْہُ کے نکاح میں یکے بعددِیگرے  آئیں *  رَضِیَ اللہُ عَنْہُ  شکل و صورت میں حضرتِ سَیِّدُنا ابراہیم عَلَیْہِ الصَّلٰوۃُ وَالسَّلَام اورسرکارِ مدینہ صَلَّی اللّٰہُ عَلَیْہِ واٰلِہٖ وَسَلَّمَ سے بہت مشابہ تھے* آپ رَضِیَ اللہُ عَنْہُ  کی شان میں آیاتِ قرآنی نازل ہوئیں * آپ رَضِیَ اللہُ عَنْہُ  سے فِرشتے بھی حیا کرتے تھے* راہِ خدا میں 2مرتبہ ہجرت فرمائی*   بہت بڑے تاجر اوربے حد سخی تھے* نبیِ رحمت ، مالکِ جنّت صَلَّی اللّٰہُ عَلَیْہِ واٰلِہٖ وَسَلَّمَ نے آپ رَضِیَ اللہُ عَنْہُ  کو جنّت کی خوشخبری سُنائی * آپ رَضِیَ اللہُ عَنْہُ نے82سال کی عمر پائی۔ *  بڑی ہی مظلومیت کے ساتھ ، روزے کی حالت میں تلاوتِ قرآن کرتے ہوئےجامِ شہادت نوش فرمایا۔

صَلُّوْا عَلَی الْحَبِیْب!                               صَلَّی اللّٰہُ عَلٰی مُحَمَّد