حفاظت کا گُر اور شرم و حیا کی نعمت پانے کا ایک بہترین ذریعہ عاشقانِ رسول کی دینی تحریک دعوتِ اسلامی کے دینی ماحول سے وابستہ ہوجانابھی ہے۔ لہٰذا آپ بھی آج بلکہ ابھی اس دینی ماحول کو اپنا لیجیے  اِنْ شَآءَ اللّٰہ    شرم و حیا کی عظیم نعمت ہاتھ آئے گی۔ اَلْحَمْدُلِلّٰہ عاشقانِ رسول کی دینی تحریک دعوتِ اسلامی دنیا بھر میں کم  وبیش109شعبہ جات میں نیکی کی دعوت کی دُھومیں مچانے میں مصروفِ عمل ہے۔ ان میں سے ایک “ شعبہ رابطہ بالعلما ء “ بھی ہے جس کا بنیادی مقصد سُنّی علمائے کرام و مشائخ عظام مثلاً ائمۂ مساجد ، خطیب حضرات اور پیرانِ طریقت وغیرہ کو عاشقانِ رسول کی دینی تحریکدعوتِ اسلامی کی دِینی خدمات سے آگاہ کرنا ، دینی کاموں میں ان کی مدد حاصل کرنا ، ان کی دعائیں لینا اور سُنّی جامعات و مدارس میں دینی کاموں کی ترکیب بنانا ، ہفتہ وارسُنّتوں بھرے اجتماع ، مختلف تربیتی اجتماعات میں سُنّی جامعات و مدارس کے طلبۂ کرام کی شرکت کروانا اور ان کے لئے مناسب خیر خواہی کا اِنتظام کرنا ہے۔ اللہ پاک “ شعبہ رابطہ بالعلما ء “ کو مزید ترقیاں عطا فرمائے اور ہمیں دعوتِ اسلامی کے دینی ماحول سے سچی پکی وابستگی نصیب فرمائے۔

اٰمِیْن بِجَاہِ النَّبِیِ الْاَمِیْن صَلَّی اللّٰہُ عَلَیْہِ واٰلِہٖ وَسَلَّمَ

صَلُّوْا عَلَی الْحَبِیْب!                                           صَلَّی اللّٰہُ عَلٰی مُحَمّد

بُزرگانِ دین کی سیرت کا مطالعہ کیجئے

پیارے پیارے اِسلامی بھائیو! شرم و حَیا پیدا  کرنے کا ایک طریقہ یہ بھی  ہے کہ بُزرگانِ دین رَحْمَۃُ اللہِ عَلَیْہِمْ  اَجْمَعِیْن کے واقعات اور اُن کی سیرت کا مطالعہ کیاجائے ، بعض اوقات  اللہ والوں کی سیرت و کردار سے متاثر ہوکربے حیائی اورگُناہ کےکاموں سے نفرت ، نیکیوں کی طرف رغبت اور اُن جیسا بننے کی چاہت پیدا ہوتی ہے۔ صحابیِ رسول حضرتِ سَیِّدُنا سلمان فارسیرَضِیَ اللہُ عَنْہُ کی شرم و حیا سے متعلق آپ کافرمان سنئے ، چنانچہ فرماتے ہیں : میں مروں پھر زندہ ہوں ، پھر مروں پھر زندہ