حضرت عُبَادَہ بِن صَامِترَضِیَ اللہُ عَنْہُبیان کرتے ہیں کہ سرکارِ مکَّہ مکرَّمہ ، سردارِ مدینہ مُنَوَّرہ صَلَّی اللّٰہُ عَلَیْہِ واٰلِہٖ وَسَلَّمنے فرمایا : جَنّت میں100درجے ہیں ہر دو درجوں میں آسمان و زمین جِتنا فاصِلہ ہے اورفِردَوس سب سے بلند دَرَجہ ہے۔ اُسی سے جَنّت کے 4 دریا بہہ رہے ہیں اور اُس کے اُوپر عَرْش ہے لہٰذا جب تم اللہ پاک سے سُوال کروتو فردوس کا سُوال کرو۔ ^[1]

میری سرکار کے قدموں میں ہی اِن شآء اللہ                                    میرا فردوس میں عطارؔ ٹھکانا ہو گا^[2]

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

جَنَّت الفردوس کس کے لیے ہے :

حدیثِ مبارکہ میں اپنے رب کریم سے جنت الفردوس مانگنے کا ارشاد  فرمایا گیا کہ اپنے رب سے مانگو تو جنت الفردو س مانگو یہ سب سے اعلیٰ جنت ہے آئیے سنتے ہیں کہ اس جنت میں کیا ہے اور یہ کن کے لیے ہے

پارہ 16 ، سُورہ ٔ کہف کی آیت نمبر107میں اِرشاد ہوتاہے :

اِنَّ الَّذِیْنَ اٰمَنُوْا وَ عَمِلُوا الصّٰلِحٰتِ كَانَتْ لَهُمْ جَنّٰتُ الْفِرْدَوْسِ نُزُلًاۙ(۱۰۷) خٰلِدِیْنَ فِیْهَا لَا یَبْغُوْنَ عَنْهَا حِوَلًا(۱۰۸)  (پ۱۶ ، الکھف : ۱۰۷تا۱۰۸)                                                                                                                                                                                                                                                                  

ترجمۂ کنز الایمان : بیشک جو ایمان لائے اور اچھے کام کیے فردوس کے باغ ان کی مہمانی ہے۔ وہ ہمیشہ ان میں  رہیں  گے ان سے جگہ بدلنا نہ چاہیں  گے۔

                             تفسیر صراط الجنان میں ہے : دنیا میں اللہپاک پر ایمان لانے والوں اور اس کی