Book Name:Jannat Ki Sab Say Bari Namat
بھی تیرے لیے اور اس جیسا دس گُنا مزید بھی لےلواور اس کےعلاوہ ہر وہ چیز جو تیرے دل کو اچھی لگےاور تیری آنکھوں کو پسند ہو۔ (اب وہ شخص ) عرض کرےگا اے میرے ربّ! میں راضی ہوں۔ پھر حضرتِ سَیِّدُنَا مو سیٰ کَلِیْمُ اللہُ عَلٰی نَبِیِّنَا وَعَلَیْہِ الصَّلٰوۃُ وَالسَّلامْ نےسب سےاعلیٰ دَرَجے والےجنّتی کےبارےمیں سُوال کیا تو اللہ پاک نے فرمایا : یہ وہ لوگ ہیں جن کو میں نے پسند کرلیا اور اِن کی عزّت وکَرَامت پر میں نے اپنے دستِ قد رت سے مُہر لگادی اُن کے لیے وہ نعمتیں ہیں جنہیں نہ کسی آنکھ نے دیکھا نہ کسی کان نے سُنا اور نہ ہی کسی اِنسا ن کے دِل پر اِس کاخیال گزرا۔ رسولِ اکرم صَلَّی اللّٰہُ عَلَیْہِ وَاٰلِہٖ وَسَلَّم نے فرمایا ان نعمتوں کی تصدیق قرآن پاک کی اس آیت میں ہے :
فَلَا تَعْلَمُ نَفْسٌ مَّاۤ اُخْفِیَ لَهُمْ مِّنْ قُرَّةِ اَعْیُنٍۚ- (پ۲۱ ، السجدة : ۱۷)
ترجمۂ کنز الایمان : تو کسی جی کو نہیں معلوم جو آنکھ کی ٹھنڈک اُنکے لیے چھپا رکھی ہے۔ [1]
ایمان پہ دے موت مدینے کی گلی میں مدفن مِرا محبوب کے قدموں میں بنادے
اللہ کرم اِتنا گنہ گار پہ فرما جنّت میں پڑوسی مِرے آقا کا بنا دے
دیتا ہوں تجھے واسطہ میں پیارے نبی کا اُمّت کو خدایا رہِ سنّت پہ چلا دے[2]
صَلُّوا عَلَی الْحَبیب! صَلَّی اللّٰہُ عَلٰی مُحَمَّد