آئیے سنتے ہیں کہ  جنت کی دعامانگنے والےکےلیےخودجنت کیادعامانگتی ہے۔

حضرت سَیِّدُنا اَنَسْ بن مَالِک رَضِیَ اللہُ عَنْہُ بیان کرتے ہیں کہ نبیوں کے سُلطان ، سردارِ دو جہان صَلَّی اللّٰہُ عَلَیْہِ واٰلِہٖ وَسَلَّمنے ارشاد فرمایا : جس نے تین(3) مرتبہ اللہ پاک سے جَنّت کا سُوال کیا تو جَنّت دُعا کرتی ہے کہ یااللہ اِس کو جَنّت میں داخل کردے اور جس شخص نے تین(3) مرتبہ دوزخ سے پناہ مانگی تو دوزخ دُعا کرتی ہے کہ  یااللہ اسےآگ سےپناہ میں رکھ۔ ^[1]

عَفْو کر اور سدا کے لیے راضی ہوجا                                                         گر کرم کردے تو جَنّت میں رہوں گا یاربّ

صَلُّوا عَلَی الْحَبیب!                                                                                               صَلَّی اللّٰہُ عَلٰی مُحَمَّد

شعر کی وضاحت : اے رب کریم تو ہمارے گناہوں کو معاف فرما کر ہم سے سدا کے لیے راضی ہوجااگرتو راضی ہوگیا تو جنت میرا ٹھکانہ ہوجائے گا۔

قرآن پاک میں بھی جنت کی نعمتوں کو بیان کیا گیا ہے : پارہ 27سُوْرَۃُ الرَّحْمٰن آیت نمبر56تا58میں ارشاد ہوتا ہے :

فِیْهِنَّ قٰصِرٰتُ الطَّرْفِۙ-لَمْ یَطْمِثْهُنَّ اِنْسٌ قَبْلَهُمْ وَ لَا جَآنٌّۚ(۵۶) فَبِاَیِّ اٰلَآءِ رَبِّكُمَا تُكَذِّبٰنِۚ(۵۷) كَاَنَّهُنَّ الْیَاقُوْتُ وَ الْمَرْجَانُۚ(۵۸) (پ۲۷ ، الرحمن : ۵۶تا۵۸)                                                                                                                                                                                                     

ترجمۂ کنز الایمان : ان بچھونوں پروہ عورتیں ہیں کہ شوہر کے سِوا کسی کو آنکھ اُٹھا کر نہیں دیکھتیں ان سے پہلے انہیں نہ چُھوا کسی آدمی اور نہ جنّ نے تو اپنے  ربّ کی کونسی نعمت جھٹلاؤ گے گویا وہ لعل اور یاقوت اور مونگا ہیں۔