مسئلہ : جِتنی اَچّھی نیّتیں زِیادہ ، اُتنا ثواب بھی زِیادہ۔

بَیان سُننے کی نیّتیں

* اچھی اچھی نیّتوں کے ساتھ اوّل تا آخر بیان سنئے ، * پوری توجہ کے ساتھ بیان سننے کی نیّت کیجئے * ادب کے ساتھ بیٹھنے کی نیّت کیجئے *  اگر قلم (Pen / Pencil) ، ڈائری آپ کے پاس ہے تو اَہَمّ نکات نوٹ کرنے کی بھی نیّت کر لیجئے۔

صَلُّوا عَلَی الْحَبیب!                  صَلَّی اللّٰہُ عَلٰی مُحَمَّد

پیارے اسلامی بھائیو!ہمارے آج کے بیان کا موضوع ہے “ شانِ مصطفیٰ صَلَّی اللّٰہُ عَلَیْہِ وَاٰلِہٖ وَسَلَّم “ جس میں ہم سنیں گے کہ درختوں کاحضورکے ساتھ چلنا کہ درخت اللہ پاک کے آخری نبی ، مکی مدنی صَلَّی اللّٰہُ عَلَیْہِ وَاٰلِہٖ وَسَلَّم کے ساتھ کیسے چلتے تھے؟شانِ مصطفیٰ ، عزت و کرامت کے سب سے زیادہ اسباب کیا ہیں؟ ، جنت و دوزخ کی چابیوں کے مالک کون ہیں؟ ، شفاعت پانے کا بہترین ذریعہ کیا ہے؟ اور اس کےعلاوہ عشقِ رسول سے مالا مال کئی اہم مفید باتیں  سننے کی سعادت حاصل کریں گے۔ اِنْ شَآءَ اللہ

وہ خَتْمُ الا نبیاء تشریف فرماہونے والے ہیں                   نبی  ہر  ایک  پہلے  سے  سناتا  یہ  خبر آیا

رَبیع ِ پاک تجھ پر اہلِ سنت کیوں نہ قرباں ہوں                      کہ تیری بارہویں تاریخ وہ  جانِ قمر  آیا

چلو  اے   مُفلسو  جو  آج  مانگو  گے  وہ  پاؤ  گے                           کہ صدقہ بانٹتا  اَرض و سَما  کا  تاجور  آیا ^[1]

صَلُّوْا عَلَی الْحَبِیْب!                                                                  صَلَّی اللّٰہُ عَلٰی مُحَمَّد