گے ، گھبراہٹ طاری ہو گی ، نہ کہیں جا سکتے ہوں گے ، نہ کسی کو بُلا سکتے ہوں گے اوربھاگ نکلنے کی بھی کوئی صورت نہ ہوگی۔ اُس وقت قَبْر کی کلیجہ پھاڑ پکار سُن کر کیا گزرےگی!  امیر اہلسنت دَامَتْ بَرَکَاتُہُمُ الْعَالِیَہنے ہمیں جھنجوڑنے اور خوابِ غفلت سے بیدار کرنے کیلئے ایک بہت ہی نصیحت آموزکلام لکھا ہے کہ جس کا ایک ایک شعرگویاکہ ہمیں موت سے پہلے جاگ جانے کا پیغام دے رہاہے ، غفلت کی نیند سونے والوں کو گویادستک دے رہاہے کہ جاگ جاؤ۔ آئیے سنتے ہیں :

بے وفا دنیا پہ مت کر اِعتِبار                                 تُو اچانک موت کا ہوگا شکار

موت آکر ہی رہے گی یاد رکھ!                              جان جا کر ہی رہے گی یاد رکھ!

گر جہاں میں سو برس تُوجی بھی لے                        قَبْر میں تنہا قیِامت تک رہے

جب فِرِشتہ موت کا چھا جائے گا                           پھر بچا کوئی نہ تجھ کو پائے گا

موت آئی پہلواں بھی چل دیئے                          خوبصورت نوجواں بھی چل دیئے

دنیا  میں  رہ  جائے  گا  یہ  دبدبہ                                 زور تیرا خاک میں مل جائے گا

تیری طاقت تیرا فن عٌہدہ تِرا                               کچھ نہ کام آئے گا سرمایہ تِرا

قبر روزانہ یہ کرتی ہے پکار                                   مجھ میں ہیں کیڑے مکوڑے بیشُمار

یاد رکھ میں ہوں اندھیری کوٹھڑی                       تجھ کوہوگی مجھ میں سُن وَحْشت بڑی

میرے اندر تُو اکیلا آئے گا                                 ہاں مگر اعمال لیتا آئے گا

نَرْم بستر گھر پہ ہی رہ جائیں گے                           تجھ کو فرشِ خاک پر دفنائیں گے

گُھپ اندھیری قبر میں جب جائے گا                   بے عمل!بے اِنتہا گھبرائے گا