پیارے پیارے اسلامی بھائیو!حُصُولِ ثَوَاب کی خَاطِر بَیان سُننےسے پہلے اَچّھی اَچّھی نیّتیں کر لیتے ہیں۔فَرمانِ مُصْطَفٰے صَلَّی اللّٰہُ  عَلَیْہِ واٰلِہٖ وَسَلَّمَ ’’نِـيَّةُ الْمُؤْمِنِ خَـیـْرٌ مِّـنْ عَمَلِهٖ‘‘مُسَلمان کی نِیَّت اُس کے عَمَل سے بہتر ہے۔^([1])

مَدَنی پھول:نیک اورجائز کام میں جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں

نگاہیں نیچی کیے خُوب کان لگاکر بَیان سُنُوں گا٭ٹیک لگا کر بیٹھنے کے بجائے عِلْمِ دِیْن کی تعظیم کے لیے جب تک ہوسکادو زانو بیٹھوں گا٭صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ  وغیرہ سُن  کر ثواب کمانے اور صدا لگانے والوں کی دل جُوئی کے لئے بُلند آواز سے جواب دوں گا٭ بَیان کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گا ۔

صَلُّوْا عَلَی الْحَبِیْب!                                   صَلَّی اللّٰہُ عَلٰی مُحَمَّد

اےعاشقانِ رسول!آئیے!آج کے ہفتہ وارسُنّتوں بھرےاجتماع میں اللہ پاک سےمَحَبَّت کرنے والوں  کےواقعات اوراس سےمتعلق مَدَنی پھول سنتے ہیں:

ایک عبادت گزار کی عارفانہ گفتگو

دعوتِ اسلامی کے اِشاعتی ادارے مکتبۃ المدینہ کی  کتاب ”حکایتیں اور نصیحتیں“صفحہ نمبر211 پر ہے :حضرت سیِّدُنا ذُوالنُّون مِصری رَحمَۃُاللہِ عَلَیہفرماتے ہیں:ایک دفعہ میں ایک پہاڑ میں گھوم پھر رہا تھا۔