کےمتعلق  مفید باتیں ،٭شجرہ شریف پڑھنے کی برکتیں ،٭دعا کے فوائد ،٭اِشراق و چاشت کی برکتیں ،٭مدنی حلقہ لگانے کےفوائد اور٭مدنی حلقہ لگانے کی چند احتیاطیں  وغیرہ

اَلْحَمْدُ لِلّٰہ! مَدَنی حلقے کی بَرَکت سے مسجِد میں بیٹھنے کا ثَواب حاصِل ہوتا ہے۔٭بعدِ فجر مَدَنی حلقے کی بَرَکت سے تِلاوتِ قُرآن کرنےاورسُنّنے کا شَرَف حاصِل ہوتا ہے۔٭بعدِ فجر مَدَنی حلقہ قُرآنِ کریم کوترجمہ و تفسیر کے ساتھ سمجھنے کابہترین ذَرِیْعہ ہے۔٭ بعدِ فجر مَدَنی حلقے کی بَرَکت سے مَدَنی اِنْعامات پر عمل ہوتا ہے۔٭ بعدِ فجر مَدَنی حلقے کی بَرَکت سے اِشراق و چاشت کے نوافِل پڑھنے کا موقع مِلتا ہے۔٭ بعدِ فجر مَدَنی حلقے میں بُزرْگانِ دِین رَحْمَۃُ اللّٰہِ  عَلَیْہِم اَجْمَعِیْنکے ذِکْرِ خَیر پر مُشْتَمِل شَجَرَہ شریف پڑھنے سُنّنے کا شَرَف حاصِل ہوتا ہے اوربُزرْگانِ دِینرَحْمَۃُ اللّٰہِ عَلَیْہِم اَجْمَعِیْن کا  تَذکِرہ کرنا باعثِ رَحمت ہے،چُنانچہ حضرت سَیِّدُنا سُفْیان بن عُیَیْنَہ رَحْمَۃُ اللّٰہِ   عَلَیْہ فرماتے ہیں:نیک لوگوں کے ذِکر کے وَقْت رحمت نازل ہوتی ہے۔(حِلْیَۃُ الْاَوْلِیَاء، ۷ / ۳۳۵، رقم:۱۰۷۵۰)

       اَلْحَمْدُلِلّٰہ بُزرْگانِ دِینرَحْمَۃُ اللّٰہِ عَلَیْہِم اَجْمَعِیْنکے ذِکْرِخَیر پر مُشْتَمِل اِس مُبارَک شَجَرے کی بَرَکت سے کئی عاشِقانِ رسول کے رُکے ہوئے کام بَن جاتے ہیں۔آئیے!بطورِ تَرْغِیْب ایک مَدَنی بہار سُنئے اور جُھومئے، چُنانچہ

گھریلو جھگڑے ختم ہوگئے

       بابُ المدینہ (کراچی)کی ایک اسلامی بہن کے گھرمیں ناچاقیوں نے ڈیرے ڈال رکھےتھے۔آئے دن لڑائی جھگڑوں کا سلسلہ رہتاجس کی وجہ سے گھر کا سُکون برباد ہوجاتا تھا،وہ  اس صورتِ حال سے سخت پریشان تھیں،گھر میں امن قائم ہونےکا کوئی  راستہ نہ دکھائی دیتا تھا۔اسی دوران پیر ومُرشد امیراہلسنّت دَامَتْ بَـرَکاتُہُمُ الْعَالِیَہکی توجُّہ سےانہیں شجرۂ قادِریہ،رَضَویہ، ضیائیہ،عطاریہ پڑھنےکاخیال آیا۔ بس پھر کیا تھا!