جومدرسۃ المدینہ(للبنین)سے حافظ بنے،عاشقانِ رسول کی مَدَنی تحریک دعوتِ اسلامی کے مختلف شعبہ جات میں اپنی دِینی خدمات پیش کررہے ہیں،کوئی اِمامت کے مُصلّے پرہے توکوئی تدریس کے منصب پر پہنچ کرتعلیمِ قرآن کو عام کرنے میں مصروف ہے۔ 

صَلُّوْا عَلَی الْحَبِیْب!                                             صَلَّی اللّٰہُ  عَلٰی مُحَمَّد

گھر میں آنے جانے کی سنتیں اور آداب

اے عاشقانِ رسول!آئیے!شَیْخِ طریقت،امیرِاَہلسنّت،بانیِ  دعوتِ اسلامی حضرت علامہ مولانا ابوبلال محمد الیاس عطارؔ قادری رضوی ضیائی کے رسالے”101مَدَنی پھول“ سے گھر میں آنے جانے کی سُنّتیں اور آداب سُنتے ہیں:٭جب گھرسے باہَر نکلیں تویہ دُعاپڑھئے:بِسْمِ اللہِ تَوَ کَّلْتُ عَلَی اللہِ لَاحَوْلَ وَلَا قُوَّۃَ اِلَّا بِاللہِ ترجمہ:اللہ پاک کے نام سے ،میں نے اللہ پاک پر بھروسا کیا ۔ اللہ پاک کے بغیرنہ طاقت ہے نہ قوت۔(ابوداو،۴/۴۲۰ حدیث:۵۰۹۵)اس دعاکوپڑھنے کی بَرکت سے سیدھی راہ پر رہیں گے،آفتوں سے حفاظت ہو گی اوراللہ پاک کی مدد شاملِ حال رہے گی٭ گھرمیں داخل ہونے کی دعا:اَللّٰھُمَّ اِنِّیۤ اَسْأَلُکَ خَیْرَ الْمَوْلَجِ وَخَیْرَ الْمَخْرَجِ بِسْمِ اللہِ وَلَجْنَا وَ بِسْمِ اللہِ خَرَجْنَا وَ عَلَی اللہِ رَبِّنَاتَوَکَّلْنَا۔(اَیضاً حدیث:۵۰۹۶)(ترجمہ:اےاللہ پاک!میں تجھ سےداخل ہونے کی اور نکلنے کی بھلائی مانگتا ہوں،اللہ پاک کے نام سےہم(گھر میں)داخل ہوئےاور اسی کے نام سے باہر آئے اور اپنے ربِّ کریم پر ہم نے بھروسا کیا)دعا پڑھنےکےبعدگھروالوں کو سلام کرے پھر بارگاہِ رسالت میں سلام عرض کر ے اس کے بعد سُوْرَۃُ الْاِخلاص پڑھے۔ اِنْ شآءَ اللہ!روزی میں بَرَکت  اور گھر یلو جھگڑوں سے بچت ہو گی٭اپنے گھر میں آتے جاتے محارِم ومَحرمات(مَثَلاً ماں،باپ،بھائی،بہن،بال بچّے وغیرہ)کوسلام کیجئے٭