Book Name:Sharm-o-Haya Social Media Ka Ghalat Istimal
شکار ہوکر اپنا مستقبل ضائع کررہے ہیں، اس بیماری میں مُبْتَلا نوجوان تعلیم سے محروم ہوکر معاشرے میں کوئی اہم مقام پانے کے بجائےاَخلاق وتمیز کھوکرمعاشرے میں ذلیل و خوار ہوتےنظر آ رہے ہیں ۔آئیے! سوشل میڈیا کے چند نقصانات کے بارے میں سنتے ہیں:
اکتوبر2017 کے”ماہنامہ فیضانِ مدینہ“کے صفحہ نمبر33پر لکھاہے:سوشل میڈیا استعمال کرنے والوں کا گناہوں خصوصاًبد نگاہی سے بچنا بہت مشکل ہے،چونکہ سوشل میڈیا پربد مذہب اور بے دین لوگ بھی کثرت سے پائے جاتے ہیں،اس لئے بعض اوقات ایک عام مسلمان کا ان کے بہکاوے میں آ کر گمراہ یا بے دین ہونےکابہت خطرہ ہوتاہے۔
سوشل میڈیا اکاؤنٹس یا تو موبائل پر استعمال کئے جاتے ہیں یا کمپیوٹر پراور دونوں کا خصوصاً نظر پر نیز استعمال کا انداز درست نہ ہونے کی وجہ سے جسم کے پٹھوں پر بُرا اثر پڑتا ہے۔
تعلیم خواہ دینی ہو یا دنیاوی،اس میں کامیابی کے لئے وَقْت کا درست استعمال بہت ضروری ہے اور سوشل میڈیا سے زیادہ وقت ضائع کروانے والی شاید ہی کوئی چیز ہو۔آگے چل کر شاید اُمّت کو مُسْتَنَد عُلَما،اچھے ڈاکٹرز،انجینئرز نہ مل سکیں(کیونکہ سوشل میڈیا استعمال کرنے کی وجہ سےطلبہ کازیادہ وقت تو ضائع ہو جاتاہے۔)