سلام پڑھنے والا ربِّ کریم کی عنایت سے جنّت میں جاتا ہے۔اِس زَبان سے کسی مسلمان کو گالی نکالنے والا ،غیبت وچغلی کرنے اور الزام لگانے والا عذابِ جہنم کا حق دار قرار پاتا ہے۔ اگر کوئی غیر مسلم بھی دل کی تصدیق کے ساتھ زَبان سے لَآ اِلٰہَ اِلَّا اللہُ مُحَمَّدٌ رَّسُوْلُ اللہ(صَلَّی اللّٰہُ عَلَیْہِ واٰلِہٖ وَسَلَّمَ)پڑھ لے تو کفر و شرک کی ساری گندَگی سے پاک ہوجاتا ہے،اس کی زَبان سے نکلا ہوا یہ کَلِمہ اس کےپچھلے تمام گناہوں کے مَیل کُچیل کو دھوڈالتا ہے۔زَبان سے اداکئے ہوئے اس کلمۂ پاک کے با عِث وہ گناہوں سے ایسا پاک و صاف ہوجاتا ہے جیسا کہ اُس روز تھا جس رو ز اس کی ماں نے اسے جنا تھا۔یہ عظیم مَدَنی اِنقلاب دل کی تصدیق کے ساتھ ساتھ زَبان سے ادا کئے ہوئے کلمے شریف کی بدولت آیا ۔

       اے کاش !ہم بھی اپنی زَبان کا صحیح استِعمال کر نا سیکھ لیں۔غیبتوں،چغلیوں اور الزامات سے بھری باتوں سے پیچھا چھڑا لیں،بے شک اللہ کریم اور رسولِ اکرم،شاہِ بنی آدم صَلَّی اللّٰہُ عَلَیْہِ واٰلِہٖ وَسَلَّمَ کی مرضی کے مطابق اگر زَبان کو چلایا جائے تو جنَّت میں گھر تیّار ہوجائےگا۔ اس زَبان سے ہم تلاوتِ قرآنِ پاک کریں ،ذِکرُ اللہ کریں، دُرُود وسلام کا وِرد کریں، خوب خوب نیکی کی دعوت دیں تو اِنْ شَآءَاللہ ہمارے وارے ہی نیارے ہوجائیں گے،چنانچہ

ہر بات پر سال بھر کی عبادت کاثواب                   

       حضرت سیِّدُنا موسیٰ عَلَیْہِ السَّلامنے بار گاہِ الٰہی میں عرض کی:اے ربِّ کریم!جواپنے بھائی کو بلائے اور اسے نیکی کا حکم کرے اور بُرائی سے روکے اُس شخص کا بدلہ کیا ہوگا؟فرمایا:میں اس کے ہر کلمے کے بدلے ایک سال کی عبادت کا ثواب لکھتا ہوں اوراسے جہنَّم کی سزادینے میں مجھے حیا آتی ہے۔ (مُکاشَفۃُ الْقُلوب ص۴۸) یاد رہے!نیکی کی بات بتانے ،گناہ سے نفرت دلانے اور ان کاموں کیلئے کسی پر انفِرادی کوشِش کا ثواب کمانے کیلئے یہ ضَروری نہیں کہ جس کو سمجھا یا وہ مان جائے تو ہی ثواب ملے گا