Book Name:Chughli Ka Azaab-o-Chughal Khor Ki Mozammat
شکوک و شبہات پیدا ہوگئے،چغل خوری کے سبب وہ اور اس کی بیوی موت کے گھاٹ اُتر گئے اور بالآخر ان کے عزیز و اقارب کے درمیان بھی قتل و غارت گری کا وہ بازار گرم ہوا کہ اَلْاَمَان وَالْحَفِیْظ۔لہٰذا خود بھی چغل خوری سے بچئے اور دوسروں کو بھی بچتے رہنے کی ترغیب دلائیے،اللہ پاک ہم سب کو لڑائی جھگڑے،چغلی اور تمام گناہوں سے محفوظ فرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ عَلَیْہِ واٰلِہٖ وَسَلَّمَ
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھے میٹھے اسلامی بھائیو!یاد رکھئے!جب بھی ہمارے پاس آ کر کسی کے بارے میں کوئی منفی بات کہے،مثلاً فلاں شخص دھوکے باز ہے،فلاں شخص وعدہ خلافی کرتا ہے،فلاں شخص نے آپ کی بُرائی کی ہے وغیرہ،تو ہمیں آنکھیں بند کرکے فوراً اُس کی بات پر ہرگز اعتماد نہیں کرنا چاہئےکیونکہ غیبت و چغلی کرنے کےسبب وہ فاسِق یعنی کھلم کھلا گناہ کرنے والا ہوگیا اور فاسِق کی خبرپر اعتبار نہیں کرنا چاہئے۔ اگر ہم بزرگانِ دین کی سیرت کا مطالعہ کریں تو ہمیں یہ مدنی پھول ملے گا کہ ان کے پاس جب کوئی ایسی خبر لاتا جو کسی کے خلاف ہوتی تو یہ حضرات اس کی خبر کو بلاتحقیق مان لینے کے بجائے اس کی اصلاح کرتے ہوئے اسے نصیحت کے مدنی پھولوں سے نوازتے تھے۔آئیے!اس ضمن میں 4 سبق آموز واقعات ملاحظہ کیجئے،چنانچہ
حجۃ الاسلام حضرت سَیِّدُنا امام محمد غزالی رَحْمَۃُ اللّٰہِ عَلَیْہ نقل فرماتے ہیں:حضرتِ سیِّدُنا امام محمدبن شِہاب زُہریرَحْمَۃُ اللّٰہ عَلَیْہِ ایک مرتبہ بادشاہ سلیمان بن عبدالملک کے پاس تشریف فرما تھے کہ ایک شخص آیا،بادشاہ نے کچھ ناپسندیدگی کے ساتھ اُس سے کہا: مجھے پتا چلا ہے تم نے میرے خلاف فُلاں