اس حکایت سےایک مدنی پھول یہ بھی ملا کہ نبیِّ رحمت،شفیعِ اُمّت صَلَّی اللّٰہُ عَلَیْہِ واٰلِہٖ وَسَلَّمَ اپنے امتیوں سے بہت ہی زیادہ محبت فرماتے ہیں،بروزِ قیامت جب ہر طرف نفسی نفسی کا عالم ہوگا،وہ دن جس کے بارے میں اللہ پاک اپنے پاکیزہ کلام قرآنِ کریم پارہ 30سُورَۂ عَبَس کی آیت نمبر  34تا37میں ارشاد فرماتا ہے:

یَوْمَ یَفِرُّ الْمَرْءُ مِنْ اَخِیْهِۙ(۳۴) وَ اُمِّهٖ وَ اَبِیْهِۙ(۳۵) وَ صَاحِبَتِهٖ وَ بَنِیْهِؕ(۳۶) لِكُلِّ امْرِئٍ مِّنْهُمْ یَوْمَىٕذٍ شَاْنٌ یُّغْنِیْهِؕ(۳۷)        

تَرْجَمَۂ کنز الایمان:اس دن آدمی بھاگےگااپنے بھائی اور ماں اور باپ اور جورو(بیوی)اور بیٹوں سےان میں سے ہر ایک کو اس دن ایک فکر ہے کہ وہی اسے بس ہے۔

قربان جائیے!ایسے مشکل ترین وقت میں بھی آقا کریم صَلَّی اللّٰہُ عَلَیْہِ واٰلِہٖ وَسَلَّمَ اپنے گناہ گار اُمّتیوں کی خاطر بے چین و بے قرار ہوں گے،انہیں اپنے دامنِ رحمت میں چھپائیں گے،ربِّ کریم سےان کی بخشش کروائیں گے اور بارگاہِ الٰہی میں سفارش کرواکرانہیں جنت میں داخل کروائیں گے۔

زمیں تپتی ہوئی خورشید بھی شعلہ فِشاں ہوگا                        بَرَہْنہ پا کھڑا کیسے رہوں گا یارسول اللہ

سرِ محشر بلا کی دُھوپ ہے آقا کرم کر دو                               میں کیا محروم کوثر سے رہوں گا  یا رسول اللہ

گناہوں کے کُھلے دفتر کھڑا ہوں آہ! میزاں پر                     نہیں ہیں نیکیاں اب کیا کروں گا یارسول اللہ

ہے سر پر بارِعِصْیاں پُل صراط اب پار ہو کیسے!                    سنبھالو ورنہ دوزخ میں گِروں گا یارسول اللہ

(وسائلِ بخشش مرمم،ص۳۲۳)

صَلُّوْا عَلَی الْحَبِیْب!                                             صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!آئیے!اسی سے ملتا جُلتا ایک اور ایمان افروز واقعہ سنتے ہیں ،چنانچہ

بروزِ قِیامت فکرِ اُمَّت کا انداز       

       شفیعِ روزِشمار،جنابِ احمدمختار صَلَّی اللّٰہُ عَلَیْہِ واٰلِہٖ وَسَلَّمَفرماتےہیں:قِیامت کےدن تمام اَنبیائےکرام