Book Name:Yadgari Ummat Pay Lakhoon Salam

کہلوانا ہے یا آفتوں  اور مُصیبتوں  سے سلامت رکھنا ۔‘‘(مرآۃ المناجیح، ۲/۱۰۲)

دُنیاوآخِرت میں جب میں رہوں سلامت       پیارے پڑھوں نہ کیوں کر تم پر سلام ہر دم

(ذوقِ نعت،ص۱۱۷)

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

میٹھے میٹھے ا سلامی بھائیو!حُصُولِ ثَوَاب کی خَاطِر بَیان سُننےسے پہلےاَچّھی اَچّھی نیّتیں کر لیتے ہیں۔فَرمانِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ ’’نِـيَّةُ الْمُؤْمِنِ خَـیـْرٌ     مِّـنْ   عَمَلِهٖ‘‘مُسَلمان کی نِیَّت اُس کے عَمَل سے بہتر ہے۔([1])

مَدَنی پھول:جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں

نگاہیں نیچی کئے خُوب کان لگا کر بَیان سُنُوں گا۔٭ٹیک لگا کر بیٹھنے کے بجائے عِلْمِ دِیْن کی تَعْظِیم کی خاطِر جہاں تک ہو سکا دو زانو بیٹھوں گا۔٭ضَرورَتاً سِمَٹ سَرک کر دوسرے کے لئے جگہ کُشادہ کروں گا ۔ ٭دَھکّاوغیرہ لگاتوصَبْرکروں گا،گُھورنے،جِھڑکنےاوراُلجھنے سے بچوں گا۔٭صَلُّوْا عَلَی الْحَبِیْبِ، اُذْکُرُوا اللّٰـہَ،تُوبُوْااِلَی اللّٰـہِوغیرہ سُن  کرثواب کمانےاورصدا لگانےوالوں کی دل جُوئی کےلئے بُلند آواز سے جواب دوں گا۔٭ اجتماع کے بعد خُود آگے بڑھ کر سَلَام و مُصَافَحَہ اور  اِنْفِرادی کوشش کروں گا ۔

صَلُّوْا عَلَی الْحَبیب!                                    صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!اِنْ شَآءَ اللہ عَزَّ  وَجَلَّ آج کے بیان میں ہم”آقا کریم صَلَّی اللّٰہُ عَلَیْہِ واٰلِہٖ وَسَلَّمَ کی اُمّت سے محبت“کے متعلق سنیں گے کہ بروزِ قیامت آپ صَلَّی اللّٰہُ عَلَیْہِ واٰلِہٖ وَسَلَّمَ فکرِ اُمّت میں کس قدر غمگین ہوں گے،گنہگار اُمّتیوں کی بِگڑیاں کیسے بنائیں گے،آپ صَلَّی اللّٰہُ عَلَیْہِ واٰلِہٖ وَسَلَّمَ کے صدقےمیں اُمّتِ مُصْطَفٰےپر دنیا میں جو عنایتیں ہوئیں اور جو آخرت میں ہوں گی، اس کی چند جھلکیاں بھی


 

 



[1]    معجم کبیر،سہل بن سعد الساعدی   الخ،۶/۱۸۵،حدیث:۵۹۴۲