Book Name:Yadgari Ummat Pay Lakhoon Salam
ہونا چاہئے،آقا صَلَّی اللّٰہُ عَلَیْہِ واٰلِہٖ وَسَلَّمَ کا اُمّتی توبے حیائی کے کاموں سے بچنے والا ہونا چاہئے،آقا صَلَّی اللّٰہُ عَلَیْہِ واٰلِہٖ وَسَلَّمَ کا اُمّتی تو باطنی بُرائیوں سے دُور ہونا چاہئے،آقا صَلَّی اللّٰہُ عَلَیْہِ واٰلِہٖ وَسَلَّمَ کا اُمّتی تو مسلمانوں کا خیرخواہ ہونا چاہئے،آقا صَلَّی اللّٰہُ عَلَیْہِ واٰلِہٖ وَسَلَّمَ کا اُمّتی رحمتِ کونین،نانائے حَسَنَیْن صَلَّی اللّٰہُ عَلَیْہِ واٰلِہٖ وَسَلَّمَ کی اطاعت و فرمانبرداری کرنے والا ہوناچاہئے،آقا صَلَّی اللّٰہُ عَلَیْہِ واٰلِہٖ وَسَلَّمَ کا اُمّتی تو سُنّتوں کی پیروی کرنے والا ہونا چاہئے۔اللہ کریم ہم سب کو آقا کریم صَلَّی اللّٰہُ عَلَیْہِ واٰلِہٖ وَسَلَّمَ کی سنتوں پر عمل کرنے کی توفیق نصیب فرمائے۔
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
جشنِ وِلادت کے بارے میں مکتوبِِ عطَّار
میٹھے میٹھے اسلامی بھائیو!صَفَرُالْمُظَفَّر کا مُبَارَک مہینا اپنے اِخْتِتَام کی جانب رَواں دَواں ہے۔پھر اِنْ شَآءَ اللہ رَبِیْعُ الْاَوَّل کا نُور بار مہینا اپنی آب و تاب کے ساتھ جَلْوَہ گَرہوگا۔شَیْخِ طریقت، اَمیرِاَہْلسُنَّت،بانیِ دعوتِ اسلامی حضرت علامہ مولانا ابُو بلال محمدالیاس عطّارقادِرِی رَضَوِی ضِیائی دَامَتْ بَرَکَاتُہُمُ الْعَالِیَہنے جَشنِ مِیْلَادمَنانے والے عاشقانِ مِیلادکواپنے مکتوب(Letter) میں کچھ اَہَمّ مَدَنی پُھول عطا فرمائے ہیں۔آئیے!ہم بھی وہ” مکتوبِ عطّار“تَوَجُّہ کے ساتھ سُنّنے کی سَعادت حاصل کرتے ہیں:
بِسْم اللّٰہِ الرَّحْمٰنِِ الرَّحِیم طسگِ مدینہ محمدالیاس عطّارقادِرِی رَضَوِی عُفِیَ عَنْہُ کی جانِب سے تمام عاشِقانِ رسول اسلامی بھائیوں/اسلامی بہنوں کی خِدمتوں میں جَشنِ وِلادَت کی خُوشی میں لہراتے ہوئے مدنی پرچموں ،جگمگاتے بلبوں اورنَنّھے نَنّھے قُمقُموں کوچُومتاہواجُھومتاہواشہد سے بھی میٹھا مکّی مَدَنی سلام
اَلسَّلامُ عَلَیْکُمْ وَرَحْمَۃُ اﷲِ وَبَرَکاتُہ اَلْحَمْدُ لِلّٰہِ رَبِّ الْعٰلَمِیْنَ عَلٰی کُلِ حَال۔
تُم بھی کرکے اُن کا چرچا اپنے دِل چمکاؤ اُونچے میں اُونچا نبی کا جھنڈا گھر گھر میں لہراؤ