مُنْسلک اَئمۂ  کرام، صدائے مدینہ،  اِنْفِرادی کوشش کے ذَریعے نمازِ باجماعت کی طرف رَغْبت،دَرسِ فیضانِ سُنَّت ، نمازِ فجر کے بعدمَدنی حلقے میں شِرکت اورسُنَّتوں  کی تربیت کیلئے عاشقانِ رسول کے مدنی قافلوں کی بَرکت سے  مَسجدوں کو آباد رکھتے ہیں۔فرمانِ مُصْطَفٰے صَلَّی اللّٰہُ تَعَالٰی عَلَیْہِ واٰلہٖ وسلَّم ہے:جومسجدسے اُلفت رکھتا ہے، اللہ پاک اُس سےمَحَبَّت کرتاہے۔(مُعْجَمُ اَ وْسَط، ۴/۴۰۰،حدیث: ۶۳۸۳)حضرت علّامہ عبد الرّؤف مَنَاوِی رَحْمَۃُ اللّٰہ ِتَعَالٰی عَلَیْہ لکھتے ہیں:مسجد سے اُلْفت،رِضائے الٰہی کے لئے اس  میں اعتکاف،نماز، ذِکْـرُاللہ اور شَرعی مَسائل سیکھنے سکھانے کے لئے بیٹھے رہنے کی عادت بنانا ہے اوراللہ پاک  کا اس بندے سے مَحَبَّت کرنا اس طرح ہے کہ اللہ   تعالیٰ اس کو اپنے سایۂ  رَحْمت میں جگہ عطا فرماتا اور اس کو اپنی حِفاظت میں داخل فرماتا ہے۔ (فیض القدیر، ۶/۱۱۲)اللہ پاک  ہمیں  اس مدنی ماحول سے وابستہ ہو کر خُوب خُوب مدنی قافلوں میں سُنَّتوں بھرا سفر کرنے،’’ فکرِ مدینہ ‘‘کے ذَریعے روزانہ مدنی اِنْعامات کا رِسالہ پُر کرنے اور عشقِ رسُول سے اپنے دل کی اُجْڑی بستی آباد کرنے  کی توفیق عطافرمائے ۔

ہوجائیں مولا مسجدیں آباد سب کی سب                              سب کو نمازی دے بنا یارَبِّ مُصْطفےٰ

اَحکامِ شَرع کا مجھے دے دے عمل کا شوق                             پیکر خُلُوص کا بنا یارَبِّ مُصْطفےٰ

(وسائلِ بخشش مرمم،ص۱۳۱)

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!جب اعمال کی جزا ملنے کی باری آئے گی تو روزہ داروں کو بے حساب اَجر دیا جائے گا، چنانچہ،

بے حِساب اجر

حضرت سَیِّدُنا کَعْبُ الاَ حْبَاررَضِیَ اللّٰہُ تَعَالٰی عَنْہُ سے مَروی ہے،فرماتے ہیں:بروزِقِیامت ایک مُنادی