اوقات حَقِیْقَۃً یا حُکْمًا نَماز میں گزرتے ہیں۔(کیونکہ نَماز کا انتِظار کرنابھی نمازکی طرح ثواب رکھتا ہے) ، اِعتِکاف کا مقصودِ اصلی جماعت کے ساتھ نَماز کا انتِظار کرناہےاورمُعتَکِف اُن(فِرِشتوں)  سے مُشابَہَت رکھتاہے جو اللہ پاک کے حکم کی نافرمانی نہیں کرتے،جوکچھ انہیں حُکم ملتاہے اسے بجا لاتے ہیں اوراُن کے ساتھ مُشابَہَت رکھتاہے جوشب و روز اللہ پاک کی تسبیح(پاکی)بیان کرتے رَہتے ہیں اور اس سے اُکتاتے نہیں ۔“  (فتاوی عالمگیری ج۱ ص۲۱۲)

حضرت سیِّدُناعَطاء خُراسانی رَحْمَۃُ اللّٰہ ِتَعَالٰی عَلَیْہ  فرماتے ہیں:” مُعتَکِف کی مِثال اُس شخص کی سی ہے جو اللہ تعالیٰ کے درپر آپڑا ہواوریہ کہہ رہا ہو”اے رب کریم!جب تک تُو میر ی مغفرت نہیں فرما دےگامیں یہاں سے نہیں ٹَلوں گا۔“(شُعَبُ الایمان ج۳ ص۴۲۶حدیث۳۹۷۰)

ہم سے فقیر بھی اب پھیری کو اُٹھتے ہوں گے                                                        اب تو غنی کے در پر بستر جما دِیے ہیں

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

کتاب”فیضانِ رمضان“ کا تعارف

میٹھے میٹھے اسلامی بھائیو!رَمَضانُ الْمبارَک کے مُقدَّس لَمحات کو فُضُولیات وخُرافات میں برباد ہونے سے بچایئے!زِنْدگی بے حد مُخْتصَر ہے اِس کو غنیمت جانئے، تاش کی گڈّیوں اور فِلمی گانوں اور طرح طرح کے گناہوں میں وقت  بربادکرنے کے بجائے تلاوتِ قُرآن اور ذِکر و دُرُود میں وَقت گُزارنے کی کوشِش فرمایئےاور اس مہینے کی مُناسَبَت سےشیخِ طریقت ،امیرِاہلسُنَّت دَامَتْ بَـرَکاتُہُمُ الْعَالِیَہ   کی مایہ ناز تصنیف’’فیضانِ رمضان ‘‘کا مُطالَعہ بھی بہت مُفید ہےکہ اس کتاب میں رَمَضانُ الْمبارَک کے تقریبا ًتمام اَہَم مَسائل مثلاًنماز،روزہ ،تراویح ،اِعْتکاف اور عیدُالِفطْرسے مُتَعَلِّق کثیر مَعْلُومات  کے ساتھ ساتھ بے شُمار مدنی پُھول بھی اپنی خُوشبوئیں لُٹا رہے ہیں۔آپ بھی  اس   کتاب کا مُطالَعہ کرنے کی نِیَّت فرمالیجئے ۔ اُردو کے  عِلاوہ بھی دُنیا کی  مُختلف زبانوں میں  اس کتاب کا ترجمہ ہوچُکا ہے ۔دعوتِ اسلامی کی