غنی مسلمان کے مال میں اُس کا بھی حق ہے ،چنانچہ وہ اپنے بھائی کے جان،مال اور اولاد میں بَرَکت کے لئے دعاکرتا رہتا ہے ،نبیِّ پاک ،صاحِبِِ لَولَاک صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا:”بے شک مؤمن کیلئے مؤمن مثلِ عمارت کے ہے،بعض،بعض کو تَقْوِیَت پہنچاتا ہے۔^([1])

(8)مضبوط بھائی چارہ

آٹھواں(8)فائدہ یہ ہے کہ زکوٰۃمسلمانوں کے درمیان بَھائی چَارہ مضبوط بنانے میں نہایت اہم کِردار ادا کرتی ہے ،جس سے اسلامی مُعَاشرے میں اِجتِماعیّت کو فروغ ملتا ہے اور امدادِباہمی کی بُنیاد پر مسلمان اپنے پیارے آقا،مدینے والے مُصطفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے اس فرمانِ عظیم کا مـِصْدَاق بن جاتے ہیں کہ :مسلمانوں کی آپس میں دوستی اوررحمت وشَفْقَت کی مثال جِسْم کی طرح ہے ،جب جِسْم کا کوئی عُضْو(حصّہ)بیمار ہو تا ہے تو بُخار اور بے خوابی میں سارا جِسْم اُس کا شَرِیک ہو تا ہے ۔^([2])

(9)مال پاک ہوجاتا ہے

     زکوٰۃ دینے والے کونَوَاں(8) فائدہ یہ حاصِل ہوتا ہے کہ اس کا مال پاک ہوجاتا ہے، جیسا کہ حضرت سَیِّدُنا اَنَس بن مالک رَضِیَ اللّٰہُ تَعَالٰی عَنْہُ  سے مروی ہے کہ شَہَنْشَاہِ مدینہ،قرارِ قلب و سینہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا:اپنے مال کی زکوٰۃ نکال کہ وہ پاک کرنے والی ہے ،تجھے پاک کردے گی ۔“ ^([3])

(10)بُری صفات سے چُھٹکارا

دَسواں(10) فائدہ یہ ہے کہ زکوٰۃ نہ صرف مال کو پاکیزہ بناتی ہے بلکہ نفس کو بھی پاکیزگی بخشتی ہے کہ نفس کولالچ اور بُـخْل جیسی بُری صِفَات سے نَجات دلاتی ہے ۔ قرآنِ پاک میں پارہ4،سُوْرَۂ آلِ