وقتاً وقتاً اُمّتِ مُسلمہ کی خیرخواہی فرماتے ہوئے اِسلامی زندگی سُنہری اُصولوں کے مطابق  گزارنے کے لیے مدنی تربیت کے قیمتی مدنی پھول اِرشادفرماتے رہتے ہیں،کئی مدنی مذاکروں میں "ظلم"کے عنوان پرآپ نے بہت ہی پیارے اندازمیں اُمّتِ مسلمہ کوسمجھانے کی کوشش کی ہے،آئیے!چندمدنی پھول ہم بھی سُنتے ہیں،آپ فرماتے ہیں:

٭      باعمل مسلمان غیر مسلموں پر ظلم نہیں کرتا، دھوکا نہیں دیتا۔(14اگست2014ء)

٭      جانور پر ظلم کرنا مسلمان پر ظلم کرنے سے سخت ہے۔(28ستمبر2014ء)

٭      جس نے آج تک جانور وں پر کسی قسم کا بھی ظلم کیا ہو وہ سب توبہ کریں۔(7اکتوبر2014ء)

٭      کبھی بھی جانور پر ظلم نہ کریں۔مظلوم چاہے کافر ہو یا جانور، اس کی بددعا قبول ہے۔(8نومبر2014ء)

٭      بچے کو دوسرے بچے پر ظلم کرنے کی اجازت نہیں۔(28فروری2015ء)

٭      دینِ اسلام، غیر مسلم پر بھی ظلم کرنے سے منع کرتا ہے(15دسمبر2015ء)

٭      مسلمان کی غیبت کرنا بھی ظلم ہے۔(19دسمبر2015ء)

٭      حقوق العباد کو ضائع کرنا ظلم ہے۔(21جنوری2016ء)

  صَلُّوْا عَلَی الْحَبِیْب!                                         صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی  بھائیو!ہمارے مُعاشرے میں دیکھاگیا ہےکہ   جس کا جس پر بس چلتا ہےوہ اپنا زورِ بازو  استعمال کر تاہے ، بات بات پر اسے بِلاوجہ ذلیل ورُسوا کرتا ہے ، اس مال وجائیداد پر قبضہ کرلیتا ہے، سیٹھ اپنی دھونس جما کر شریف ملازم یا نوکرسے  خوب کام کرواتا ہے مگر تنخواہ نہیں دیتا ، ساس اپنی بہو  یا بہو اپنی ساس پر   ظلم ڈھاتی نظر آتی ہے ، چوروں لٹیروں  کو  کسی کے اچھے  موبائل   یا نقدی