Hajj Kay Fazail

Al Quran Books Madani Channel

Magazine Courses Media

دورانِ حج خوب نیکیاں کرکے اپنے حج کی قبولیت کیلئےدعائیں کیجئےاور فضول کاموں سے بچنے کی بھرپور مَشق اور کوشش کیجئے۔بعض افراد جنہیں ہروقت موبائل فون استعمال(Use) کرنے کا مرض لاحق ہوتا ہے،وہ وہاں بھی اس کے استعمال سے اجتناب نہیں کرتےاورسوشل میڈیا(Social Media) کے ذریعے اپنے چاہنے والوں کو پل پل کے حالات سے باخبررکھتے ہیں ۔

حج وعمرہ اور سیلفی

شیخِ طریقت،اَمِیْرِاَہلسنّت،بانیِ دعوتِ اسلامی حضرت علّامہ مَوْلانا ابو بلال محمد الیاس عطّارقادِری رَضَوِی ضِیائی دَامَتْ بَـرَکاتُہُمُ الْعَالِیَہ اپنے رسالے”سیلفی کے 30 عبرت ناک واقعات “صفحہ 17پر فرماتے ہیں : سفرِ حج وعمرہ کے دوران بھی سیلفی(Selfie) کے شائقین اپنا شوق پورا کرتے پائے جاتے ہیں،انہیں جہاں کوئی منظر اچّھا لگتا ہے جھٹ سیلفی بناتے اور سوشل میڈیا(Social Media) کے ذریعے اس کی تشہیر کردیتے ہیں۔ حجرِاَسْوَد کو بوسہ دیتے وقت،سَعی اور طواف کے دوران بھی سیلفیز بنائی جاتی ہیں ،جس سے طواف وسعی کرنے والوں کی رَوانی میں فرق آتا ہے،لوگ ایک دوسرے پر گِر پڑتے ہیں یا پھر ٹکرا جاتے ہیں جس سے انہیں پریشانی ہوتی ہے ،خود سیلفی بنانے والوں کا ذوقِ عبادت متأَثّر ہوتاہے ،سنہری جالیوں کے پاس مُوَاجَہَہ شریف کے سامنے حاضر ی کے وقت بھی سیلفی بنانے والے پائے جاتے ہیں،اس مقصد کے لئے بعض بے باک اپنی پیٹھ مُوَاجَہَہ شریف کی طرف کرلیتے ہیں۔اے کاش !ہمارا یہ ذہن بن جائے کہ سفرِ حَرَمَینِ طیِّبَین سیلفی بنانے کے لئے نہیں ثواب کمانے کے لئے ہوتا ہے ۔

حرم کی زَمیں اور قدم رکھ کے چلنا

ارے سر کا موقع ہے اَو جانے والے

Important

Mobile Apps

Contact Us