فرمائن ٿيون: رَسُولُ الله صَلَّى اللهُ تَعَالٰى عَلَيْهِ وَاٰلِهٖ وَسَلَّم اَميرُ المؤمِنين حضرت سيدُنا عمر فاروقِ اعظم رَضِىَ اللهُ تَعَالٰی عَـنْهُ جو نالو (يعني لقب) ’’فارُوق‘‘ رکيو۔ (تھذيب الاسماء۲/۳۲۵) ۽ دَورِ جاهليت ۽ دَورِ اسلام ٻنهي ۾ پاڻ رَضِىَ اللهُ تَعَالٰی عَـنْهُ جو نالو ’’عُمَر‘‘ ئي رهيو۔ (رِياضُ الْنُضْرَة ، ۱/۲۷۲) ۽ ’’عمر‘‘ جي معني آهي آباد رکڻ وارو يا آباد ڪرڻ وارو۔ حضرت سيدُنا عمر فاروقِ اعظم رَضِىَ اللهُ تَعَالٰی عَـنْهُ جي سبب جيئن ته اِسلام کي آباد ٿيڻو هو، ان ڪري الله عَزَّ وَ جَلَّ پهريان ئي سندن کي ’’عمر‘‘ نالو عطا فرمائي ڇڏيو۔ (مراٰة المناجيح ، ۸/۳۶۰)

فاروقِ اعظم رَضِىَ اللهُ تَعَالٰی عَـنْهُ جي وِلادَت

مٺا مٺا اسلامي ڀائرو! حضرت سيدُنا عُمَر فاروقِ اعظم رَضِىَ اللهُ تَعَالٰی عَـنْهُ عامُ الفِيل جي 13 سال بعد مَڪّةُ المُڪرَّمَة ۾ پيدا ٿيا، ائين پاڻ رَضِىَ اللهُ تَعَالٰی عَـنْهُ جي تاريخِ وِلادَت 583 عيسوي جيڪا هجرت کان تقريباً 41 سال پهريان آهي۔ پاڻ  رَضِىَ اللهُ تَعَالٰی عَـنْهُ سيدُنا صِدِيقِ اڪبر رَضِىَ اللهُ تَعَالٰی عَـنْهُ کان عُمر ۾ تقريباً ساڍا ڏھ سال ۽ رَسُوْلُ الله صَلَّى اللهُ تَعَالٰى عَلَيْهِ وَاٰلِهٖ وَسَلَّم کان عُمر ۾ تقريباً تيرهن سال (13) ننڍا هئا۔

(اُسْدُ الغَابَة۴/۱۵۷،ماخوذا)

سرڪارِ ِ مدينه صَلَّى اللهُ تَعَالٰى عَلَيْهِ وَاٰلِهٖ وَسَلَّم جي مُبارڪ دُعَا

الله عَزَّ وَجَلَّ جي فضل و ڪرم ۽ خاتَمُ الْمُرْسَلين،رَحْمَة لّلْعٰلمين صَلَّى اللهُ تَعَالٰى عَلَيْهِ وَاٰلِهٖ وَسَلَّم جي مُبارڪ دُعا جي برڪت سان اَميرُالمؤمنين حضرت سيدُنا عمر فاروقِ اعظمرَضِىَ اللهُ تَعَالٰی عَـنْهُ 39 مردن کان بعد اِعلانِ نُبُوَّت جي ڇهين (6) سال ۾ ايمان قبول ڪيو۔ (الرّيا ض النضرة۱/ ۲۸۵،طبقات ڪبريٰ ۳/۲۰۴) جيئن حديثِ مبارڪ ۾ آهي سرڪار صَلَّى اللهُ تَعَالٰى عَلَيْهِ وَاٰلِهٖ وَسَلَّم جن هن طرح دُعا فرمائي اَللّٰھُمَّ اَعِزَّ الْاِسْلامَ بِعُمَر بْنِِ الخَطَّابِ خَاصَّة: يعني اي الله عَزَّوَجَلَّ تون بالخصوص عمر بن خطّاب رَضِىَ اللهُ تَعَالٰی عَـنْهُ جي ذريعي دِينِ اسلام کي