ہر مسلماں کا اس پہ ہے اِیماں                                                              واہ کیا بات پیارے قُرآں کی

مصطفےٰ پر ہوا ہے یہ نازِل                                                                                         اس میں ہر شے کا ہے بیاں شامل

سب سے افضل کتاب ہے قُرآں                                             واہ کیا بات پیارے قُرآں کی

شرابی نوجوان دَم بھر میں سُدھر گیا

علّامہ ابن جَوزی رَحمۃُ اللہِ عَلَیْہ لکھتے ہیں: ایک عِبَادت گزار، نیک بزرگ تھے، وہ 40 سال تک (بَرّاعظم اَفریقہ کے ایک ملک)سوڈان کی ایک غار میں رہ کر عِبَادت کرتے رہے۔ وہ فرماتے ہیں: ایک مرتبہ میں غَار کے اندر عِبَادت میں مَصْرُوف تھا، اتنے میں ایک شخص آیا، اس کے پاس کھانا اور شراب تھی، (شاید اس نے مجھے نہیں دیکھا) اور ایک کونے میں بیٹھ کر کھانا کھانے لگا، کھانے کے بعد جب اس نے شراب کا برتن اُٹھایا تو میں نے اُونچی آواز سے قرآنِ کریم کی یہ آیت پڑھ دی:

اَلَمْ یَاْنِ لِلَّذِیْنَ اٰمَنُوْۤا اَنْ تَخْشَعَ قُلُوْبُهُمْ لِذِكْرِ اللّٰهِ (پارہ:27، اَلْحَدِید: 16)

ترجمہ ٔکنزُالعِرفان: کیا ایمان والوں کیلئے ابھی وہ وقت نہیں آیا کہ ان کے دل اللہ کی یاد اور اس حق کے لئے جھک جائیں

اُس نوجوان نے اِدھر اُدھر دیکھا، کوئی نظر نہ آیا، چنانچہ اس نے سُنی اَن سُنی کی اور شراب پینے لگا، جیسے ہی اس نے برتن اُٹھایا تو میں نے پِھر وہی آیت تِلاوت کی:

اَلَمْ یَاْنِ لِلَّذِیْنَ اٰمَنُوْۤا اَنْ تَخْشَعَ قُلُوْبُهُمْ لِذِكْرِ اللّٰهِ (پارہ:27، اَلْحَدِید: 16)

ترجمہ ٔکنزُالعِرفان: کیا ایمان والوں کیلئے ابھی وہ وقت نہیں آیا کہ ان کے دل اللہ کی یاد اور اس حق کے لئے جھک جائیں