بن جاتا ہے، مگر قرآنِ کریم کی یہ شان ہے کہ*اس کو پڑھنے سے*اس کی تلاوت کرنے سے حکمت و دانائی نصیب ہوتی ہے۔

زِندگی بھر کے لئے زبردست نصیحت

حضرت زید بن اَسْلَم رَضِیَ اللہُ عنہ سے روایت ہے: ایک مرتبہ ایک شخص بارگاہِ رِسالت میں حاضِر ہوا، پیارے آقا، سَیِّدُ الْانبیا صَلَّی اللہُ عَلَیْہِ وَ آلِہٖ وَ سَلَّم نے ایک صحابی رَضِیَ اللہُ عنہ کو فرمایا: اس (نئے آنے والے شخص) کو قرآنِ کریم سکھاؤ...! اُس صحابی رَضِیَ اللہُ عنہ نے اِس شخص کو سورۂ زِلْزال سکھانا شروع کی، جب انہوں نے سورۂ زِلْزال کی ساتویں آیت سکھائی تو اُس شخص نے کہا: بَس! مجھے کافی ہے۔ اُن صحابی رَضِیَ اللہُ عنہ نے بارگاہِ رسالت میں عرض کیا: یا رسول اللہ صَلَّی اللہُ عَلَیْہِ وَ آلِہٖ وَ سَلَّم ! اس نے ابھی 7 آیات ہی سیکھی ہیں اور کہتا ہے: مجھے کافِی ہے۔ پیارے آقا، مکی مدنی مصطفےٰ صَلَّی اللہُ عَلَیْہِ وَ آلِہٖ وَ سَلَّم نے فرمایا: اسے چھوڑ دو! اسے فَقَاہَت (یعنی دِین کی سمجھ ) مِل گئی ہے۔^([1])

سُبْحٰنَ اللہ! یہ ہے قرآن کی شان...!!

میرے ربّ کا کَلام ہے قُرآں                                                          واہ کیا بات پیارے قُرآں کی

مصطفےٰ پر ہوا ہے یہ نازِل                                                                                         اس میں ہر شے کا ہے بیاں شامل

سب سے افضل کتاب ہے قُرآں                                             واہ کیا بات پیارے قُرآں کی

(2-3):قرآن کتاب رحمت اور کتابِ ہدایت ہے

پیارے اسلامی بھائیو! سورۂ لقمان کی آیات میں قرآنِ کریم کی (2):دوسری