Khuwaish Parasti Ka Anjaam

Al Quran Books Madani Channel

Magazine Courses Media

صحابئ رسول، سلطانُالْمُفَسِّرِیْن حضرت عبدُ اللہ بن عبّاس رَضِیَ اللہ عنہما اس آیت کی تفسیر میں فرماتے ہیں:جو بندہ دُنیا کو آخرت پر ترجیح دے (مثلاً دُنیوی مستقبل کی فِکْر تو کرے مگر آخرت میں کامیابی کی فِکْر نہ کرے) اُس کے لیے آخرت میں کچھ حِصَّہ نہیں، ہاں! اس کے لیے جہنّم ہے۔ساتھ ہی ساتھ یہ وبال بھی کہ (دُنیوی مستقبل کے لیے) اس کی فِکْروں کا کچھ نتیجہ نہ نکلے گا، اسے دُنیا میں صِرْف وہی کچھ دیا جائے گا، جو پہلے سے لکھا جا چکا ہے۔ ^{(^[1])}

دُنیوی فِکْریں چھوڑو! آخرت کے لیے فارِغ ہو جاؤ!

صحابئ رسول حضرت ابو ہریرہ رَضِیَ اللہ عنہ سے روایت ہے، اللہ پاک کے آخری نبی، رسولِ ہاشمی صَلّی اللہ عَلَیْہ وآلِہ وسَلَّم نے پارہ:25، سورۂ شُوریٰ کی یہ آیت تِلاوت فرمائی:

مَنْ كَانَ یُرِیْدُ حَرْثَ الْاٰخِرَةِ نَزِدْ لَهٗ فِیْ حَرْثِهٖۚ- (پارہ:25 ،سورۂ شوریٰ :20)

تَرجَمۂ کَنزالْعِرفَان: جو آخرت کی کھیتی چاہتا ہے تو ہم اس کے لیے اس کی کھیتی میں اضافہ کردیتے ہیں۔

پھر فرمایا:اللہ پاک فرماتا ہے:اے ا ِبْنِ آدم! (دُنیوی فِکْریں چھوڑ کر) عِبَادت کے لیے فارِغ ہو جاؤ! تمہارے سینے کو مالداری سے بھر دیا جائے گا اور اگر تم ایسا نہیں کرو گے (مثلاً دُنیوی فِکْروں میں لگے رہو گے، صِرْف دُنیوی مستقبل کا ہی سوچتے رہو گے) تو تمہارے دِل کو مصْرُوفیات (مثلاً دُنیوی مشغولیات) سے بھر دیا جائے گا۔^{(^[2])}

اللہ پاک ہمیں عَمَل کی توفیق نصیب فرمائے۔اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَ سَلَّم۔

[1]...تفسیر درّ منثور،پارہ:25 ،سورۂ شوریٰ ،زیرِ آیت :20 ،جلد:7 ،صفحہ:343۔

[2]...مستدرك لحاكم، كتاب التفسیر، تفسیر سورۃ حم عسق، جلد:3، صفحہ:234، حدیث:3709۔

Important

Mobile Apps

Contact Us