(1): حسد

ان جي پهرين باطني بيماري آهي: حسد. يعني الله پاڪ جي ورهاست تي راضي نه ٿيڻ، ڪنهن وٽ نعمت ڏسي سڙڻ، ان کان اها نعمت کسجي وڃڻ جي تمنا ڪرڻ. ^([1]) شيطان بدبخت کي ان ڳالهه تي حسد هو ته آخر حضرت آدم عَلَیْہِ السَّلام کي ئي ڇو خليفو بڻايو پيو وڃي. ان جي ان ئي حسد ان کي ٻوڙي وڌو ۽ اهو بدبخت نافرماني ڪري مردود ٿي ويو. ^([2])

حسد شيطاني مرض آهي

پيارا اسلامي ڀائرو! هتان کان اندازو لڳايو! ته حسد ڪيتري خراب بيماري آهي: حديث پاڪ ۾ آهي: حسد نيڪين کي اهڙي طرح کائي ويندو آهي، جيئن باهه سُڪل ڪاٺ کي ساڙي ڇڏيندي آهي. ^([3])

اَلْاَمَانُ وَالْحَفٖیْظُ!                  اسان کي حسد کان بچڻ گهرجي ۽ هن خراب بيماري کان پناهه به گهرڻ گهرجي! الله پاڪ قرآنِ ڪريم ۾ حسد ڪرڻ واري کان پناهه گهرڻ جو حڪم ڏنو، ارشاد ٿئي ٿو:

وَ مِنْ شَرِّ حَاسِدٍ اِذَا حَسَدَ۠(۵)(سيپارو: 30، الفلق:5)

ترجمو ڪنزُ العرفان: ۽ حسد واري جي شرَ کان جڏهن اهو حسد ڪري.

الله اڪبر! پيارا اسلامي ڀائرو! اندازو ڪيو! حسد ڪيترو وڏو فتنو ۽ ڪيترو وڏو شر آهي جو رب ڪائنات حسد ڪرڻ واري کي شيطان سان ملايو ۽ حڪم ڏنو ته انهن سڀني کان پناهه گهرو! ^([4])

امام غزالي رَحْمَةُ الـلّٰـهِ عَـلَيْه فرمائن ٿا: * حسد بي چيني ۽ بي مقصد غم و فڪر ۾ مبتلا ڪري ٿو * حسد جي ڪري انسان ذلت و محرومي جي لعنت ۾ گرفتار ٿي ويندو آهي ۽ * حسد جي هڪ وڏي تباهه ڪاري هي آهي ته