اللہ پاک ہمیں عشق کی سلامتی نصیب فرمائے، اِیْمان پر استقامت نصیب فرمائے۔ آئیے! دُعا کرتے ہیں:

میری دُشمن سے فرما حِفاظت             دین و اِیْماں بھی رکھنا سلامت

دَست بستہ مِری اِلتجا ہے                   یاخُدا! تجھ سے میری دُعا ہے

یاالٰہی! کر ایسی عنایت                     دیدے اِیْمان پر اِستِقامت

تجھ سے عطارؔ کی اِلتجا ہے                   یاخُدا!     تجھ     سے     میری    دُعا     ہے^([1])

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

کلمہ اینڈ دُعا ایپلی کیشن کا تعارف

پیارے اسلامی بھائیو! دعوتِ اسلامی کے آئی ، ٹی ڈیپارٹمنٹ نے بچوں کی تربیت کے اہم فریضہ کو مدّنظر رکھتے ہوئے، ایک بہت ہی پیاری  موبائل ایپلی کیشن لانچ کی ہے، جس کا نام ہے: کلمہ اینڈ  دُعا (Kalma&Dua) ۔ اس ایپلی کیشن کے ذریعے بہت آسان انداز سے بچوں کی تربیت کی جاسکتی ہے *اس اپیلی کیشن میں بچوں کے لئے 6کلمے آڈیو کی صورت میں حروف کی ادائیگی اور ترجمے کے ساتھ*روزمرہ کی 16مختلف دعائیں مثلاً پانی پینے کی دُعا *کھانا کھانے سے پہلے اور بعد کی دُعا *دودھ پینے کے بعد کی دُعا *سوتے وقت کی دُعا وغیرہ حروف کی ادائیگی اور ترجمے کے ساتھ اور مختلف موضوعات پر سنّتیں اور آداب وغیرہ شامِل ہیں۔ اپنے موبائل میں یہ  ایپلی کیشن انسٹال کر کے فائدہ اُٹھائیے اور دوسروں کو بھی ترغیب دلائیے۔

صَلُّوْا عَلَی الْحَبِیْبِ!                                               صَلَّی اللہ عَلٰی مُحَمَّد