بڑے فضل والا ہے۔

یعنی اللہ پاک جسے چاہتا ہے اپنی رحمت کے لیے خاص فرما لیتا ہے، اللہ پاک بڑے فضل والا ہے۔ لہٰذا یہ بدبخت لاکھ کوششیں کرتے رہیں، جنہیں رَبِّ کریم نے اپنی رحمت اور فضل کے لیے خاص فرما لیا ہے، وہ عظمت و شانِ مصطفےٰ  صَلَّی اللہ عَلَیْہِ وَ آلِہٖ وَ سَلَّم  کو جانِ اِیْمان بنائے رکھیں گے، رحمتِ اِلٰہی کے حقدار بنتے ہی رہیں گے۔

ہر کرم کی وجہ یہ فضلِ عظیم                                                                               صَدَقہ ہیں سب نعمتیں اِس فضل کا

بے سبب اُس کی عطائیں بے شمار                            بے غرض اُس کے کرم بے اِنتہا

اپنے بندوں کو خُدائے پاک نے                                              اِس   کے    صدقے     میں    دیا     جو    کچھ    دیا^([1])

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد

پیارے اسلامی بھائیو! اس آیتِ کریمہ سے ہمیں چند باتیں سیکھنے کو ملیں:

(1):غیر مسلموں کی ناکام سازِش

پہلی بات تو یہ کہ غیر مسلم یہ بات اچھی طرح جانتے ہیں کہ مسلمانوں کو مٹانے اور زَیْر کرنے کا صِرْف و صِرْف ایک ہی طریقہ ہے، وہ یہ کہ ان کے دِلوں سے محبّتِ رسول نکال دی جائے، جب یہ محبّت نکل گئی تو مسلمان بَس نام کے مسلمان رہ جائیں گے، اَندر سے بالکل کھوکھلے ہو جائیں گے۔ ڈاکٹر اِقْبال کی نظم ہے، جس میں اقبال نے غیر مسلموں کی سازشیں بتائی ہیں، اقبال کہتا ہے: ابلیس نے غیر مسلموں کو مشورہ دیا کہ

وہ فاقہ کش کہ موت سے ڈرتا نہیں ذرا                    رُوحِ مُحَمَّد اِس کے بدن سے نکال دو^([2])