ذٰلِكَ فَضْلُ اللّٰهِ یُؤْتِیْهِ مَنْ یَّشَآءُؕ- (پارہ:28، سورۂ جمعہ:4)

تَرْجمۂ کَنْزُالعِرْفان: یہ اللہ کا فضل ہے وہ اسے جسے چاہے دے۔

 کتنی پیاری بات کہی ہے اعلیٰ حضرت  رحمۃُ اللہ علیہ  نے، لکھتے ہیں:

ہم ہیں اُن کے، وہ ہیں تیرے، تَو ہوئے ہم تیرے

اس     سے      بڑھ     کر      تِری      سمت      اور     وسیلہ      کیا       ہے^([1])

وضاحت: یا اللہ پاک! پیارے آقا  صَلَّی اللہ عَلَیْہِ وَ آلِہٖ وَ سَلَّم    تیرے مَحْبُوب  ہیں ، ہم  پیارے آقا  صَلَّی اللہ عَلَیْہِ وَ آلِہٖ وَ سَلَّم  کے غلام ہیں، ہم ناکارہ تیری بارگاہ میں تیرے مَحْبُوب کا وسیلہ پیش کرتے ہیں، ہماری نظر میں تیری بارگاہ میں پیش کرنے کے لیے اس سے بڑھ کر کوئی وسیلہ نہیں۔  

پیارے اسلامی بھائیو! یہی وہ فضلِ اِلٰہی ہے، پیارے مَحْبُوب   صَلَّی اللہ عَلَیْہِ وَ آلِہٖ وَ سَلَّم  کے صدقے میں ہم گنہگاروں پر برسنے والی خاص رحمتیں ہیں، جن سے یہود و نصارٰی حَسَد کرتے ہیں اور دِن رات ہمیں فیضانِ نبوت سے مَحْرُوم کر ڈالنے کی کوششوں میں لگے رہتے ہیں۔ اللہ پاک ہمیں ان کی حَسَد بھری چالوں سے محفوظ رہنے کی توفیق نصیب فرمائے۔ اٰمِیْن بِجَاہِ خَاتَمِ النَّبِیّٖن   صَلَّی اللہ عَلَیْہِ وَ آلِہٖ وَ سَلَّم    ۔

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

(2):حَسَد یہود والی بیماری ہے

پیارے اسلامی بھائیو! یہاں سے دُوسرا سبق ہمیں یہ مَعْلُوم ہوا کہ  حَسَد یہود والی بیماری ہے۔ یہ یہود ہیں جنہوں نے فَضْلِ اِلٰہی کو نہ مانا، اللہ پاک کی تقسیم پر راضِی نہ ہوئے،