بھی درست ہوتے ہیں، یہ ہو تو حج بھی درست ہو جاتا ہے۔

مُحَمَّد کی محبّت دِینِ حق کی شرطِ اَوَّل ہے

اسی میں ہو اگر خامی تو سب کچھ نامکمل ہے

دِل میں محبّتِ رسول بڑھانے کے طریقے

پیارے اسلامی بھائیو! ہمیں چاہیے کہ دِلوں میں محبّتِ رسول بڑھائیں، اِس کے لیے بہت سے طریقے اِخْتیار کیے جا سکتے ہیں *سب سے پہلے تو اللہ پاک نے اپنے پیارے مَحْبوب   صلی اللہ عَلَیْہِ وَ آلِہٖ وَسَلَّم  کی شانیں قرآنِ کریم میں بیان فرمائی ہیں، اُن کو پڑھا کریں *گُنَاہوں سے تَوْبَہ کریں، بالخصوص آنکھوں، کانوں اور زبان سے ہونے والے گُنَاہ چھوڑ دیجیے! *درودِ پاک کی کثرت کیجیے! *پیارے آقا، مکی مَدَنی مصطفےٰ  صَلَّی اللہ عَلَیْہِ وَ آلِہٖ وَ سَلَّم  کا ذِکْر کثرت سے کرنے کی عادَت بنائیے! اُٹھتے بیٹھتے، چلتے پھرتے، بات بات پر ذِکْرِ رسول کیا کیجیے!

اَكْثَرْتُ تَكْرَارِي لِذِكْرِ مُحَمَّدٍ                                                                      حُبًّا لَهُ فَخْرًا بِحُبِّ مُحَمَّدٍ

حُبٌّ هُوَ الْاِيمَانُ اِيثَارًا عَلَى                                                                                      حُبِّ الوَرَى وَالنَّفْسِ حُبُّ مُحَمَّدٍ

 ترجمہ:میں نے مُحَمَّد   صَلَّی اللہ عَلَیْہِ وَ آلِہٖ وَ سَلَّم    کی محبّت میں، اُن کی محبّت حاصِل کرنے کے لیے اُن کا بہت ذکر کیا، یہ محبّت ہی تو اِیمان ہے،دنیا اور نفس کی محبّت پر مُحَمَّد کی محبّت مُقَدَّم ہے۔

پیارے اسلامی بھائیو!  محبّتِ رسول بڑھانے کا طریقہ کیا ہے..؟؟اِس کا طریقہ یہ ہے کہ*تِلاوتِ قرآن کی عادَت بنائیے!دِل پاک ہو گا، ترجمہ تفسیر پڑھئے! دِل میں شان و عظمتِ مصطفےٰ بیٹھ جائے گی *سیرتِ رسول پڑھیے! *نعتِ پاک سُنا کیجیے! پڑھا کیجیے! *ایک اَہَم تَرِین بات یہ کہ کسی عاشِقِ رسول پِیرِ کامِل کے ہاتھ پر بیعت کر لیجیے! اِنْ شَآءَ