وضاحت: ہمارے ہاں ملکِ پاکستان میں سردی کے موسم کی آمد آمد ہے، عمومًا سردیوں میں گرم ٹوپی پہنی جاتی ہے۔ مسئلہ ذِہن میں بٹھا لیجیے! گرم ٹوپی یُوں پہننا کہ ماتھا ڈھکا ہو، بلاضَرورت اِسی حالت میں نماز پڑھنا مکروہِ تَنْزِیْہی(یعنی شرعًا ناپسندیدہ)ہے۔ ہاں! اگر ٹوپی اتنی موٹی ہو کہ سجدے میں پیشانی خُوب نہ جمے،  زمین کی سختی محسوس نہ ہو، اس صُورت میں نماز ہی نہیں ہو گی۔ لہٰذا بہتر یہ ہے کہ ایسی ٹوپی وغیرہ ماتھے سے ہٹا کر نماز پڑھی جائے۔^([1]) اللہ پاک ہمیں دُرست اسلامی اَحْکام سیکھنے اور اُن پر عمل کرنے کی توفیق نصیب فرمائے۔ اٰمِیْن بِجَاہِ خَاتَمِ النَّبِیّٖن صلی اللہ عَلَیْہِ وَ آلِہٖ وَسَلَّم ۔

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

گناہ سے بچنے کا نسخہ^(وظیفہ)

سُورَۃُ الْاِخْلَاص

جو شخص صبح کے وقت 11بار سُورۂ اِخْلَاص پڑھے گا،اگر شیطان اپنے لشکر کے ساتھ مل کر بھی اُس شخص سے گناہ کروانے   کی کوشش کرے گا تو بھی نہ کروا سکے گا ،  جب تک یہ شخص خود گناہ نہ کرے۔^([2]) اللہ پاک ہمیں عَمَل  کرنے کی توفیق نصیب فرمائے۔ اٰمِیْن بِجَاہِ خَاتَمِ النَّبِیّٖن  صلی اللہ عَلَیْہِ وَ آلِہٖ وَسَلَّم  ۔   

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد