هئي ته ڪنهن به صحابي (رَضِیَ اللهُ عَنْہُ) جي بيمار ٿيڻ جو اطلاع ملندو هو ته پاڻ  صَلَّى اللهُ عَلَيْهِ وَاٰلِهٖ وَسَلَّم ان جي عيادت لاءِ تشريف وٺي ويندا هئا * جيڪڏهن ڪو شخص 3 ڏينهن مسجد کان غائب رهندو هو ته پاڻ ان جي متعلق ماڻهن کان پڇا ڪندا هئا، جيڪڏهن اهو بيمار هوندو هو ته ان جي عيادت فرمائيندا هئا ^([1]) * ۽ عيادت لاءِ جيڪڏهن مديني شريف جي آخري ڪناري تائين به وڃڻو پوندو هو ته تشريف وٺي ويندا هئا ۽ پنهنجي صحابه (رَضِیَ اللهُ عَنْہُم) جي عيادت فرمائيندا هئا. ^([2]) * مشهور مفسرِ قرآن، مفتي احمد يار خان نعيمي رَحْمَةُ الـلّٰـهِ عَـلَيْه فرمائن ٿا: حضور صَلَّى اللهُ عَلَيْهِ وَاٰلِهٖ وَسَلَّم جي اخلاق مان آهي ته پاڻ صَلَّى اللهُ عَلَيْهِ وَاٰلِهٖ وَسَلَّم هر امير ۽ غريب جي گهر بيمار پُرسي لاءِ تشريف وٺي ويندا هئا. ^([3]) * حضور صَلَّى اللهُ عَلَيْهِ وَاٰلِهٖ وَسَلَّم جي عادت سڳوري اها هئي ته جڏهن ڪنهن مريض جي عيادت لاءِ تشريف وٺي ويندا هئا ته هي فرمائيندا هئا: لَا بَاْسَ طَہُوْرٌ اِنْ شَاۤءَ اللہ (يعني: ڪا حرج جي ڳالھ نه آهي، الله پاڪ چاهيو ته هي مرض (گناهن) کان پاڪ ڪرڻ وارو آهي) هڪ اعرابي جي عيادت لاءِ تشريف وٺي ويا ته اهو ئي فرمايو: لَا بَاْسَ طَہُوْرٌ اِنْ شَاۤءَ اللہ. ^([4])

عيادت ۽ تمام گهڻن روحاني علاجن جي متعلق وڌيڪ معلومات لاءِ امير اهلسنت دَامَتْ بَرَکَاتُہُمُ الْعَالِیَه  جو رسالو بيمار عابد پڙهو.

مختلف سُنّتون سکڻ لاءِ مڪتبة المدينه جي بهارِ شريعت جلد:3 مان حِصّو 16 ۽ شيخِ طريقت، اميرِ اهلسنّت مولانا الياس قادري دَامَتْ بَرَکَاتُہُمُ الْعَالِیَه  جو 91 صفحن جو رسالو 550 سُنّتون ۽ آداب خريد فرمايو ۽ پڙهو. سُنّتون سکڻ جو هڪ ذريعو دعوتِ اسلامي جي قافلن ۾ عاشقانِ رسول سان گڏ سُنّتن ڀريو سفر به آهي.