Share this link via
نعمتِ الٰہی کا چرچہ کیجیے...!!
رسولِ اکرم، نورِ مُجَسَّم صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے فرمایا:
مَنْ اُبْلِيَ بَلَاءً فَذَكَرَهٗ فَقَدْ شَكَرَهٗ، وَاِنْ كَتَمَهٗ فَقَدْ كَفَرَهُ
ترجمہ: یعنی جسے کوئی نعمت نصیب ہوئی، وہ اس کا تذکرہ کرتا ہے تو وہ شکر کرنے والا ہے، اگر چھپا لیتا ہے تو وہ ناشکری کرنے والا ہے۔([1])
مطلب یہ ہے کہ اللہ پاک نےجو نعمت عطا کی، اب اسے آدمی چھپا کر نہ بیٹھ جائے بلکہ لوگوں کو بتائے! کہے: اَلحمدُ لِلّٰہ ! اللہ پاک کا بڑا کرم ہے، اللہ پاک نے مجھے فُلاں نعمت عطا فرمائی ہے۔
ظاہِر ہے اگر بتانا درست ہو، تبھی بتانا ہے۔ اس میں شیخی بھی نہ ہو، خودپسندی بھی نہ ہو،میں، میں بھی نہ ہو بلکہ دِل میں احسان مندی ہو ، شکر کے جذبات ہوں، اللہ پاک کی عنایتوں کے سامنے بندہ خود کو احسانوں میں ڈوبا ہوا تَصَوُّر کر کے نعمتوں کا چرچا کرے، تبھی اس کا فائدہ ہو گا، ورنہ شیخیاں بکھیرنا یا ریاکاری کی آفت میں جا پڑنا، یہ تو الٹا گُنَاہوں کےدروازے کھولنے والا ہے۔ اور نظر نہ لگے، اس کا بھی لحاظ رکھنا چاہیے ۔ اللہ پاک ہمیں نعمتوں کا چرچا کرنے کی توفیق نصیب فرمائے۔ اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم۔
پیارے اسلامی بھائیو! نعمتوں کا چرچا کرنے کا ایک اور انداز ہے، امام بیہقی رَحْمَۃُ اللہِ تَعَالٰی عَلَیْہِ لکھتے ہیں: اِنَّ تَعْدَادَ النِّعَمِ مِنَ الشُّکْرِ یعنی نعمتوں کی گنتی کرنا، یہ بھی شکر ہے۔([2])
BOOK TOPIC
- درودِ پاک کی فضیلت
- آیتِ کریمہ کی مختصر وضاحت
- جانِ رحمت کی بےمثال انکساری
- میں بندہ ہوں، بندوں کی طرح بیٹھتا ہوں
- شانِ مصطفےٰ، بزبانِ مصطفےٰ
- سُن لو...!! میں اللہ پاک کا حبیب ہوں
- نعمتوں کا چرچا کیجیے...!!
- نعمت کا چرچا بھی شکر ہے
- نعمت کا اَثَر نظر آنا چاہیے
- نعمتوں کا چرچا کرنے کا طریقہ
- نعمتیں گِنا کیجیے!
- مصطفےٰ! مصطفےٰ کیجیے...!!
- کراں میں تیریاں دِن رات گلاں
- حضرتِ ابو ہریرہ رَضِیَ اللہُ تَعَالٰی عَنْہُ اور ذِکْرِ مصطفےٰ
- ذِکْرِ کمالاتِ مصطفےٰ کے چند فائدے
- فیضانِ حدیث موبائل ایپلی کیشن
- درست کیا ہے؟
- لَاعلاج مرض کا روحانی علاج(وظیفہ)
