ڈوبتوں کا یانبی! کہتے ہی بیڑا پار تھا    غم کِنارے ہو گئے، پیدا کِنارا ہو گیا

نام تیرا، ذِکْر تیرا، تُو تِرا پیارا خیال       ناتوانوں،   بے  سہاروں    کا     سہارا     ہو    گیا^([1])

صَلُّوا عَلَی الْحَبیب!                                               صَلَّی اللہ  عَلٰی مُحَمَّد

سُبْحٰنَ اللہ ! پیارے اسلامی بھائیو!  یہ ہے پیارے آقا، مکی مَدَنی مُصطفےٰ صَلَّی اللہُ تَعَالٰی علیہ وَاٰلِہٖ وَسَلَّم کی یتیم پروَرِی کا اَنداز مبارَک...!! جو یتیم ہو، بےسہارا ہو، وہ مَحْبوب صَلَّی اللہُ تَعَالٰی علیہ وَاٰلِہٖ وَسَلَّم کے دامنِ کرم میں پناہ لے، اِنْ شَآءَ اللہ  الْکَرِیْم! سب بِگڑیاں بن جائیں گی۔

اُس تبسُّم کی عادَت پہ لاکھوں سلام

پیارے اسلامی بھائیو! اللہ  پاک نے فرمایا:

فَاَمَّا الْیَتِیْمَ فَلَا تَقْهَرْؕ(۹) (پارہ:30، سُورۂ وَالضُّحیٰ:9)

تَرجَمۂ کَنزالْعِرفَان:توکسی بھی صورت یتیم پر سختی نہ کرو۔

یہاں جو لفظ تَقْهَرْؕ اِستعمال ہوا ہے، اِس کا معنیٰ عُلَمائے کرام نے لکھا ہے:  فَلَا تَعْبِسْ یعنی اَے مَحْبوب صَلَّی اللہُ تَعَالٰی علیہ وَاٰلِہٖ وَسَلَّم ! یتیم کے سامنے اپنے ماتھے  شریف پر بَل بھی مت آنے دیجیے! ^([2]) اُردو میں کہتے ہیں؛  چِیْں بَہ جَبِیْں ہونا ناگواری کی کیفیت جب ہمارے دِل میں ہوتی ہے نا؛ اُس وقت ہمارے ماتھے کی کھال ذرا اِکھٹی ہو جاتی ہے، جس سے ماتھے پر ایک لکیر سی بَن جاتی ہے، اِس کو کہتے ہیں: ماتھے پر بَل آنا، چِیْں بَہ جَبِیْں ہونا، یہی اِس آیتِ کریمہ میں فرمایا گیا: اے مَحْبوب صَلَّی اللہُ تَعَالٰی علیہ وَاٰلِہٖ وَسَلَّم ! یتیم کو دیکھیں تو دِلِ پاک میں