سُورۂ وَالضُّحیٰ کا مُخْتصَر  خُلاصہ

پیارے اسلامی بھائیو! اللہ  پاک کا فضل و احسان ہے کہ اُس رَبِّ کریم نے ہمیں ایک بار پِھر ماہِ ذیشان، ماہِ مَحْبُوبِ رحمٰن، ماہِ مِیْلاد یعنی ربیعُ الاوّل شریف کا پیارا پیارا مہینا نصیب فرمایا، اِس ماہِ مُقَدَّس کی اَصْل خصوصیت یہی ہے کہ اِس میں دوجہاں کے تاجدار، مکی مَدَنی سردار، نبیوں کے سالار، مَحْبُوبِ رَبِّ غفّار صَلَّی اللہُ تَعَالٰی علیہ وَاٰلِہٖ وَسَلَّم تشریف لائے۔

 قرآنِ کریم میں ایک بڑی ہی پیاری سُورت ہے؛سُورۂ وَالضُّحیٰ۔اِس مُقَدَّس مبارَک اور مُخْتصَر  سُورت میں اللہ  پاک نے اپنے مَحْبُوبِ ذیشان صَلَّی اللہُ تَعَالٰی علیہ وَاٰلِہٖ وَسَلَّم کے ساتھ بہت جامِع اَنداز میں اِظْہارِ محبّت فرمایا ہے۔ ایسا نِرالا اِظْہارِ محبّت کہ نہ کسی نے ایسا اِظْہار کسی سے کیا، نہ کوئی کر سکتا ہے۔ مولانا حَسَن رضا خان رحمۃُ اللہ  علیہ نے کتنی پیاری بات کہی کہ

کسی کو کسی سے ہوئی ہے نہ ہو گی   خُدا     کو      ہے      جتنی       محبّت       کسی        کی^([1])

مزید لکھتے ہیں:

عجب پیاری پیاری ہے صُورت کسی کی ہمیں      کیا        خُدا       کو       ہے       اُلْفت      کسی      کی^([2])

اِسْلام کے ابتدائی دِنوں کی بات ہے، ایک بار چند دِن کے لیے آپ صَلَّی اللہُ تَعَالٰی علیہ وَاٰلِہٖ وَسَلَّم پر وَحی نازِل نہ ہوئی، اِس میں الگ طرح سے حکمتیں تھیں مگر مکّے کے غیر مُسلموں نے اُسے غلط رنگ دیا اور کہا: مُحَمَّد صَلَّی اللہُ تَعَالٰی علیہ وَاٰلِہٖ وَسَلَّم کے رَبّ نے مُحَمَّد صَلَّی اللہُ تَعَالٰی علیہ وَاٰلِہٖ وَسَلَّم کو چھوڑ دیا ہے (مَعَاذَ اللہ !)۔ یہ بات سُن کر رسولِ ذیشان، مکی مَدَنی سُلطان صلی اللہ  عَلَیْہِ وَ