آپ ہی اسباب آقا پِھر مُہَیّا کیجئے                                                                  پھر دِکھا دیجے مدینے کے مَنَاظِر یانبی! ^([1])

مديني شريف جي حاضري واجب جي ويجهو آهي

 فرمانِ اعليٰ حضرت رَحْمَةُ الـلّٰـهِ عَـلَيْه جو خلاصو آهي: سرورِ عالم، نورِ مجسم صَلَّى اللهُ عَلَيْهِ وَاٰلِهٖ وَسَلَّم جن جي روضهءِ پُر نور تي حاضري ۽ اتان جي مٽيءَ کي چمڻ جي سعادت سڀني مستحبات کان اعظم ۽ اهم بلڪه واجب جي ويجهو آهي.^[2]

ملائڪَ استقبال ڪن ٿا

جذبُ الۡقلوب ۾ شيخِ محقق علامه عبدالحق محدث دهلوي رَحْمَةُ الـلّٰـهِ عَـلَيْه نقل ڪن ٿا: جڏهن ڪو مسلمان زيارت جي نيت سان مدينهءِ منوره ايندو آهي ته فرشتا رحمت جي تحفن سان ان جو استقبال ڪندا آهن.^[3]

لاکھوں قدسی ہیں کامِ خدمت پر

لاکھوں گِردِ مزار پِھرتے ہیں ^([4])

وضاحت: يعني حضورِ اڪرم، نورِ مجسم صَلَّى اللهُ عَلَيْهِ وَاٰلِهٖ وَسَلَّم جن جي خدمت لاءِ لکين ملائڪَ حاضر رهندا آهن ۽ لکين ملائڪَ پاڻ صَلَّى اللهُ عَلَيْهِ وَاٰلِهٖ وَسَلَّم جن جي روضهءِ پُر نور جي چوڌاري چڪر لڳائيندا رهندا آهن.

شفاعت واجب ٿي وئي...!

 سُنَنِ دارِ قُطۡنِي ۾ روايت آهي: الله پاڪ جي رسول، رسولِ مقبول، بي بي آمنه جي گل صَلَّى اللهُ عَلَيْهِ وَاٰلِهٖ وَسَلَّم جن فرمايو: مَنْ زَارَ قَبْرِي وَجَبَتْ لَهُ شَفَاعَتِي جنهن منهنجي قبر جي زيارت ڪئي ان لاءِ منهنجي شفاعت واجب ٿي وئي.^[5]

طیبہ میں مر کے ٹھنڈے چلے جاؤ آنکھیں بند                        سیدھی سڑک یہ شہرِ شفاعت نگر کی ہے