اِیْمان بربادکر بیٹھتے ہیں۔ اس لئے اپنا اِیْمان بچانے کی خاطِر ہم سب پر لازِم ہے کہ ہم خُود بھی عِلْمِ دِین سیکھیں ، اپنے بچوں کو بھی سکھائیں ، ہم سب کی دِینی ، ایمانی ذِمَّہ داریوں میں سے اَہَم ترین ذِمَّہ داری ( Responsibility )  ہے کہ ہم اپنے بچوں کی نس  نس میں عقیدۂ خَتْمِ نبوت ڈال دیں۔ اپنے گھر والوں کو ، بچوں کو ، بھانجوں ، بھتیجوں کو ، غرض ہر وہ بچہ جو بولنا جانتا ہے ، اسے یہ عقیدہ اس طرح رٹا دیں کہ انہیں نیند سے جگا کر بھی پوچھا جائے تو وہ ایک ہی نعرہ لگائیں :

مُحَمَّدِ مصطفےٰ !                                 سب سے آخری نبی !                                                                                          احمدِ مجتبیٰ !                        سب سے آخری نبی !

آمنہ کا لاڈلا !                                              سب سے آخری نبی !                                                                                          شاہِ ہر دوسرا !                                            سب سے آخری نبی !

الحمد للہ ! شیخِ طریقت ، امیرِ اہلسنت دامت بَرَکاتُہمُ العالیہ نے یہ بہت پیارے نعرے دئیے ہیں ، یہ نعرے اپنے بچوں کو یاد کروائیں ، امیرِ اہلسنت کا رسالہ ہے : سب سے آخری نبی۔ یہ رسالہ حاصِل کر لیجئے ! گھر میں اس کا دَرْس دیجئے ! اِنْ شَآءَ اللہ الْکَرِیْم ! بہت ساری معلومات حاصِل ہوں گی اور اللہ پاک نے چاہا تو ایمان کی حفاظت کا سامان بھی ہو جائے گا۔

جان دےدی پر ایمان نہ بیچا

 مسیلمہ کذّاب نامی ایک بدبخت تھا ، جس نے تاجدارِ خَتْمِ نبوت صَلَّی اللہ عَلَیْہِ وَ آلِہٖ وَ سَلَّم کی ظاہِری زندگی مبارک میں ہی نبوت کا جھوٹا دعویٰ کر دیا تھا ، ایک مرتبہ اس بے لگام نے صحابئ رسول حضرت حبیب بن زید رَضِیَ اللہ عنہ کو گرفتار کر لیا۔ آپ رَضِیَ اللہ عنہ سے مسیلمہ نے پوچھا : اَ تَشْہَدُاَنَّ مُحَمَّداً رَسُوْلُ اللہ کیاتم گواہی دیتے ہو کہ مُحَمَّد ( صَلَّی اللہ عَلَیْہِ وَ آلِہٖ وَ سَلَّم )  اللہ کے رسول ہیں۔ فرمایا : ہاں ، بالکل میں گواہی دیتا ہوں کہ آپ صَلَّی اللہ عَلَیْہِ وَ آلِہٖ وَ سَلَّم