اس کے ایک کونے ( Corner )  میں ایک اینٹ کی جگہ چھوڑ دی ، لوگ اس کے گرد گھومنے لگے اور تعجب سے کہنے لگے کہ اس نے یہ اینٹ کیوں نہ رکھی ، پھر آپ  صَلَّی اللہ عَلَیْہِ وَ آلِہٖ وَسَلَّم نے فرمایا : میں وہ  ( آخری )  اینٹ ہوں اور نبیوں میں آخری نبی ہوں۔  ^{( [1] )}

دوسری روایت میں ہے : اس اینٹ کی جگہ  ( کو پُر کرنے والا )  میں ہوں ، میں آیا تو نبیوں  ( کے سلسلے )  کو ختم  ( یعنی مکمل )  کر دیا۔ ^{( [2] )}  

الحاج مفتی احمد یار خان نعیمی رحمۃُ اللہ عَلَیْہ اس حدیثِ پاک کی شرح میں لکھتے ہیں : سُبْحٰنَ اللہ ! کیسی پیاری مثال ہے ، نبوت گویا نورانی محل ہے ، حضرات انبیائے کرام علیہمُ السَّلام  گویا اس کی نورانی اینٹیں ہیں حُضُور صَلَّی اللہ عَلَیْہِ وَ آلِہٖ وَسَلَّم گویا اس محل کی آخری اینٹ ہیں ، جس پر اس عمارت کی تکمیل ہوئی ، اس سے معلوم ہوا کہ حضور صَلَّی اللہ عَلَیْہِ وَ آلِہٖ وَسَلَّم آخری نبی ہیں ، آپ کے زمانے میں یا آپ کے بعد کوئی نبی نہیں۔ ^{( [3] )}

ہیں وہ قصرِ نبوت کی اینٹ آخری

قولِ شاہِ دنا ، خاتمُ الانبیا

 ( 3 ) : میرے بعد کوئی نبی یا رسول نہیں

حضرت انس رَضِیَ اللہ عنہ سے روایت ہے ، سرکارِ دو عالَم صَلَّی اللہ عَلَیْہِ وَ آلِہٖ وَ سَلَّم نے ارشاد فرمایا : بے شک رسالت اور نبوت ختم ہوگئی ، اب میرے بعد نہ کوئی رسول ہے نہ کوئی نبی۔ ^{( [4] )}